رونالدۋ «مانچەستەر يۋنايتەدتەن» كەتۋى مۇمكىن

نۇر-سۇلتان. قازاقپارات - «مانچەستەر يۋنايتەد» شابۋىلشىسى كريشتيانۋ رونالدۋ وسى جازدا كوماندادان كەتۋى مۇمكىن، دەپ حابارلايدى Prosports.kz.

Daily Mail باسىلىمىنىڭ حابارلاۋىنشا، «قىزىل سويقانداردىڭ» كەيبىر باسشىلىعى پورتۋگاليالىق فۋتبولشىنىڭ جازعى ترانسفەر كەزىندە كلۋبتان كەتكەنىن قالايدى. بۇل ماسەلە بويىنشا تۇپكىلىكتى شەشىمدى «مانچەستەر يۋنايتەدتىڭ» تەڭ يەسى دجوەل گلەيزەر مەن كلۋبتىڭ ديرەكتورلار كەڭەسى قابىلدايدى.

ايتا كەتەيىك، كريشتيانۋ رونالدۋ «مانچەستەر يۋنايتەدكە» 2021 -جىلى تامىزدا اۋىسىپ كەلدى. ويشىنىڭ كلۋبپەن كەلىسىمشارتى 2023 -جىلدىڭ 30-ماۋسىمىنا دەيىن جارامدى. رونالدۋ وسى ماۋسىمدا انگليا پرەمەر- ليگاسىندا 25 ويىنعا قاتىسىپ، 12 گول سوقتى جانە ءۇش ناتيجەلى پاس بەردى.