باس پروكۋراتۋرا الماتىداعى قاڭتار وقيعاسىنا بەلسەنە قاتىسقاندار جايلى ايتتى

«الماتى قالاسىندا 25-ناۋرىزدا ش. ەسىمدى ازامات قاماۋعا الىندى. ول قايعىلى قاڭتار كەزىندە «اننا» قارۋ- جاراق دۇكەنىنەن ۆينتوۆكانى جىمقىرىپ، اۋەجايعا پوليتسيا دەپارتامەنتىنە جانە الماتى قالاسى، المالى اۋدانىنىڭ پوليتسيا باسقارماسىنا شابۋىل جاسادى. قۇقىق قورعاۋ ورگاندارى ن. ەسىمدى ازاماتتى انىقتادى. ول اعىمداعى جىلدىڭ 5-قاڭتارىندا ءبىر توپ اداممەن بىرگە «قازاەروناۆيگاتسيا» عيماراتىن باسىپ الدى جانە الماتى قالاسى اۋەجايىنىڭ ۇشۋ- قونۋ جولاعىنىڭ جارىعىن ءوشىردى»، - دەدى باس پروكۋراتۋرا وكىلى.

ونىڭ ايتۋىنشا، الماتى قالاسى اكىمدىگىنىڭ الدىنداعى تارتىپسىزدىكتى ۇيىمداستىردى دەگەن كۇدىكپەن الماتى وبلىسىنىڭ تۇرعىندارى دا ۇستالعان.

«ارنايى پروكۋرارلار اعىمداعى جىلى 4-ساۋىرىندە الماتى قالاسى اكىمدىگىنىڭ الدىندا جاپپاي تارتىپسىزدىك ۇيىمداستىرعانى ءۇشىن الماتى وبلىسىنىڭ 10 تۇرعىنىن ۇستادى»، - دەدى ەلدوس قيلىمجانوۆ.

شارا بارىسىندا ول جاپپاي تارتىپسىزدىككە 12 ۇيىمداسقان قىلمىستىق توپتىڭ قاتىسقانىن ءمالىم ەتتى.