ونكولوگياعا كۇدىك بولعاندا م ر ت جانە ك ت تەگىن جۇرگىزىلەدى

نۇر- سۇلتان. قازاقپارات - اعزادا قاتەرلى ىسىك پايدا بولۋى مۇمكىن دەگەن كۇدىك تۋىنداسا، ونداي جاعدايدا قازاقستاندىقتار م ر ت جانە ك ت سياقتى تەكسەرۋلەردەن تەگىن وتەدى، دەپ حابارلايدى قازاقپارات ق ر دەنساۋلىق ساقتاۋ مينيسترلىگىنە سىلتەمە جاساپ.

ۇقساس جاڭالىقتار قازاقستاندا Pfizer ەكپەسىن 1 ميلليونعا جۋىق ازامات سالدىردى قازاقستاندا ۆەدومستۆو ازاماتتارعا قاۋىپتى دەرتتىڭ العاشقى بەلگىلەرى بايقالعان كەزدە قايدا بارىپ، قالاي تەكسەرىلۋ قاجەتتىگى جونىندە نۇسقاۋلىق تاراتتى.

وندا امبۋلاتوريالىق جاعدايلاردا قاتەرلى ىسىككە كۇدىكتى پاتسيەنتتەرگە مامانداردىڭ كونسۋلتاتسياسى جانە تەكسەرۋ «جاسىل ءدالىز» بويىنشا - جالپى كەزەكتىلىك پەن شەكتەۋلەردەن تىس، 18 جۇمىس كۇنى ىشىندە جۇرگىزىلەتىنى ايتىلعان. سونداي- اق، ونكولوگياعا كۇدىك بولعان جاعدايدا م ر ت جانە ك ت تەگىن تۇسىرىلەتىنى كورسەتىلگەن. ول ءۇشىن تىركەلگەن ەمحانادان وسى جانە باسقا دا تەكسەرۋ تۇرلەرىنە جولداما الۋ قاجەت.

قاتەرلى ىسىككە كۇدىكتى پاتسيەنتتەردى دياگنوزدى انىقتاۋ ءۇشىن تەرەڭدەتىپ تەكسەرۋ ونكولوگيالىق ورتالىققا جۇگىنگەن كەزدەن باستاپ 15 جۇمىس كۇنى ىشىندە، ەمدەۋ تاكتيكاسىن ناقتىلاۋ جانە تەراپيانى دەربەستەندىرۋ 30 جۇمىس كۇنى ىشىندە جۇرگىزىلەدى.

«ەگەر ءسىز نەمەسە ءسىزدىڭ تۋىستارىڭىز العاش رەت ونكولوگيالىق اۋرۋمەن بەتپە- بەت كەزدەسىپ، نە ىستەۋ كەرەك، قايدا بارۋ كەرەك، قانداي تالداۋلار مەن زەرتتەۋلەردەن ءوتۋ كەرەك ەكەنىن بىلمەسە، وندا تىكەلەي ەفيرلەرگە قاتىسۋعا جانە مامانداردىڭ جاۋاپتارىن تىڭداۋعا شاقىرامىز» دەلىنگەن مينيسترلىك تاراتقان حابارلامادا.

ماماندار كەڭەسى 11-14- ساۋىردە الەۋمەتتىك جەلىلەر ارقىلى جۇرگىزىلەدى. سپيكەرلەردىڭ ءتىزىمى، تىكەلەي ەفير وتكىزەتىن كۇنى مەن ساعاتى مينيسترلىك سايتىندا كورسەتىلگەن. بۇعان دەيىن قاتەرلى ىسىكتى ەرتە انىقتاۋدىڭ ماڭىزدىلىعى تۋرالى جازىلعان بولاتىن.