ءدىني باسقارما وكىلى وقۋشىلاردىڭ ورازا ۇستاۋىنا قاتىستى پىكىر ءبىلدىردى
اعابەك قونارباي ۇلىنىڭ ايتۋىنشا ، الەۋمەتتىك جەلىلەر مەن مەكتەپ مۇعالىمدەرىنىڭ WhatsApp چاتتارىندا ورازا ۇستاعان وقۋشىلاردىڭ وقۋ ۇلگەرىمى مەن دەنساۋلىعىنا قاتىستى ماسەلە تالقىلانۋدا. وسىعان وراي الەۋمەتتىك جەلى قولدانۋشىلارى مەن اتا- انالار تاراپىنان قازاقستان مۇسىلماندارى ءدىني باسقارماسىنا (ق م د ب) جاس بالالاردىڭ ورازا ۇستاۋىنا قاتىستى ساۋالدار كەلىپ تۇسكەن «وسىعان بايلانىستى ق م د ب تومەندەگى اقپاراتتىق تۇسىندىرمەنى قاپەرلەرىڭىزگە سالادى:
بىرىنشىدەن، شاريعاتىمىز بويىنشا باليعات جاسىنا جەتپەگەن جاس بالاعا ورازا ۇستاۋ - پارىز ەمەس. بۇل تۋرالى پايعامبارىمىز مۇحاممەد (وعان اللانىڭ سالاۋاتى مەن سالەمى بولسىن) بىلاي دەگەن: «ءۇش ادامنان قالام كوتەرىلدى: ايىققانعا دەيىن جىن تۇرتكەن ادامنان، ويانعانعا دەيىن ۇيقىداعى ادامنان، باليعاتقا تولعانعا دەيىن بالادان».
ءبىز بۇل حاديستەن باليعاتقا تولماعان جاس بالاعا قۇلشىلىق جاساۋ، ونىڭ ىشىندە ورازا ۇستاۋ مىندەت ەمەس ەكەنىن تۇسىنەمىز. ەكىنشىدەن، باليعاتقا جانە كامەلەتكە تولماعان جاس بالانىڭ ورازا ۇستاۋ كەزىندە ونىڭ ورگانيزمىندە السىزدىك، دارمەنسىزدىك پايدا بولۋى مۇمكىن. بۇل جاعداي كىشكەنتاي ءبۇلدىرشىننىڭ دەنساۋلىعىنا كەرى اسەر ەتۋى، سونىمەن قاتار ونىڭ تولىققاندى ءبىلىم الۋىنا كەدەرگى كەلتىرۋى مۇمكىن. اتا- انالارعا وسى ماسەلەگە اسا كوڭىل بولۋگە كەڭەس بەرەمىز»، - دەپ جازادى ق م د ب وكىلى.
سونداي- اق، ول كەز- كەلگەن قۇلشىلىق، ونىڭ ىشىندە ورازا تولىققاندى ءبىلىم الۋعا، تياناقتى جۇمىس ىستەۋگە كەرى اسەر ەتپەۋى كەرەكتىگىن ەسكە سالادى.
«ورازانى سەبەپ ەتىپ، اركىمنىڭ وزىنە جۇكتەلگەن جاۋاپكەرشىلىگىنە نەمقۇرايلى قاراۋىنا بولمايدى. ويتكەنى، ءار ادام ساۋاپ امالدى ءوزى ءۇشىن ورىندايدى. ۇشىنشىدەن، اتا- انالاردان باليعات جاسىنا جەتپەگەن بالالاردى ورازا ۇستاۋعا ماجبۇرلەمەۋدى سۇرايمىز»، - دەيدى اعابەك قونارباي ۇلى.
اۆتور: ەسىمجان ناقتىباي
