08:26, 11 - ءساۋىر 2022 | GMT +5
مۋراتا گولوۆكيننىڭ كاسىبي شەبەرلىگىنە ءوز باعاسىن بەردى
نۇر- سۇلتان. قازاقپارات - جاپون بوكسشىسى ريوتا مۋراتا (16-3، 13 كو) قازاقستاندىق بىلعارى قولعاپ شەبەرى گەنناديي گولوۆكيننىڭ كاسىبي شەبەرلىگىنە باعا بەردى، دەپ حابارلايدى قازاقپارات Sports.kz سايتىنا سىلتەمە جاساپ.
«مەن گەننادي گولوۆكيننىڭ كاسىبي شەبەرلىگىن سەزىندىم. ونىڭ سوققىلارى الۋان ءتۇرلى ەكەن، سەبەبى ول ۇرعاندا ءار تۇستان قيعاشتاي سوعادى. جانە سوققىسىنىڭ اۋىرلىعىن دا سەزىندىم»، - دەدى مۋراتا.
ەسكە سالا كەتەيىك، گەننادي گولوۆكين ريوتا مۋراتانى 9-راۋندتا نوكاۋتقا ءتۇسىرىپ، WBA Super، IBF جانە IBO نۇسقالارى بويىنشا ورتا سالماقتاعى چەمپيون اتاندى.
ونىڭ كەلەسى جەكپە- جەگى قىركۇيەك ايىندا مەكسيكالىق ساۋل الۆارەسپەن (57-1-2، 39 ك و) بولادى.
اۆتور: ەربول جانات
