استانا اكىمدىگى بوتانيكالىق باقتا قىرىلعان بالىققا قاتىستى تۇسىنىك بەردى

نۇر- سۇلتان. قازاقپارات - نۇر- سۇلتان بوتانيكالىق باعىندا بالىق وسىرىلمەيدى، دەپ حابارلايدى قازاقپارات.

ايتا كەتەيىك، كەشە الەۋمەتتىك جەلىلەردە نۇر- سۇلتان بوتانيكالىق باعىنداعى سۋ قويماسىندا قىرىلعان بالىقتىڭ سۋرەتتەرى تاراعان ەدى. قالا تۇرعىندارى بالىقتىڭ جاپپاي قىرىلۋىنا بايلانىستى جەرگىلىكتى بيلىكتىڭ شارا قولدانۋىن تالاپ ەتتى.

قالالىق اكىمدىكتىڭ باسپا ءسوز قىزمەتى تاراتقان مالىمەتكە سەنسەك، بوتانيكالىق باقتاعى توعان قولدان جاسالعان جانە تەك سۋارۋ جۇيەسىنىڭ، سۋبۇرقاقتىڭ قىزمەتىن اتقارادى.

«ەسىل اۋدانىنىڭ اكىمدىگى جاساندى سۋ ايدىنىندا بالىق وسىرمەيدى، ويتكەنى بۇل سۋ ايدىنى بالىقتاردىڭ تىرشىلىگىنە ارنالماعان. بالىق شاباقتارى توعانعا تابيعي جولمەن نۇرا ارناسى ارقىلى كىرگەن بولۋى مۇمكىن، ول جەردەن توعانعا سۋ كەلەدى. رەزەرۆۋاردىڭ تەرەڭدىگى - 0,5 م- دەن 3,5 م- گە دەيىن. كۇن سۋىتا باستاعان كەزدە رەزەرۆۋار تۇبىنە دەيىن تولىعىمەن قاتىپ قالادى. توعان جاساندى بولعاندىقتان قىستا ويىقتار كومەكتەسپەيدى، ويتكەنى توعان بالىقتىڭ ءومىر سۇرۋىنە ارنالماعان» دەپ حابارلادى اكىمدىك. كۇن جىلىنعاننان كەيىن اۋدان اكىمدىگى سۋ قويماسىن تازارتۋ جۇمىستارىن جۇرگىزەدى.