قىتايدىڭ شانحاي قالاسىندا جانە جيلين پروۆينسياسىندا كوروناۆيرۋس ءورشىپ تۇر
«قىتايدا وتكەن تاۋلىكتە كوروناۆيرۋس ينفەكسياسى 25165 ادامنان انىقتالدى. بۇل ءبىر كۇن بۇرىنعىعا قاراعاندا %4 كوپ، سونداي-اق ق ح ر گيگيەنا جانە دەنساۋلىق ساقتاۋ ماسەلەلەرى جونىندەگى مەملەكەتتىك كوميتەتىنىڭ دەرەكتەرى بويىنشا بۇل جاڭا جوعارى كورسەتكىش. ىندەتكە شالدىققانداردىڭ كوپشىلىگىندە - 23815 ادامدا اۋرۋ بەلگىلەرى جوق، جوتەل جانە السىزدىك 1350 ادامدا انىقتالدى. ءبىر اپتا ىشىندە قىتايدا اسيمپتوماتيكالىق تاسىمالداۋشىلار سانى 2,7 ەسە، 174 مىڭ ادامعا دەيىن ءوستى» دەلىنگەن حابارلامادا.
مالىمەتكە ساي، كوروناۆيرۋس ەڭ ءورشىپ تۇرعان ەكى ءوڭىر شانحاي جانە جيلين پروۆينسياسى (ق ح ر سولتۇستىك-شىعىسىندا) - ولار COVID-19 جۇقتىرعانداردىڭ %94 قۇرايدى.
پاندەميا باستالعاننان بەرى قىتايدا 1,5 ميلليوننان استام ادام اۋىرىپ، 13,2 مىڭنان استام ناۋقاس قايتىس بولدى.
