ءاليحان سمايىلوۆ: ءوڭىر اكىمدەرى ازىق-تۇلىك باعاسىن جەتكىلىكتى باقىلاي الماي وتىر

نۇر-سۇلتان. قازاقپارات - ق ر پرەمەر-ءمينيسترى ءاليحان سمايىلوۆ ارنايى وتكىزىلگەن كەڭەس بارىسىندا ءوڭىر اكىمدەرىن ازىق-تۇلىككە قاتىستى جاعدايدى باقىلاي الماي وتىرعانىن سىنادى، دەپ حابارلايدى قازاقپارات.

ساۋدا جانە ينتەگراتسيا مينيسترلىگىنىڭ ساۋدا كوميتەتىنىڭ ءتوراعاسى ەرجان قازانبايەۆ وتكەن اپتادا الەۋمەتتىك ماڭىزى بار ازىق-تۇلىك تاۋارلارى باعاسىنىڭ ءوسىمى %0,9 دى قۇراعانىن ايتتى.

سونىمەن قاتار «اينالىم سحەماسىن» قارجىلاندىرۋدى ۇلعايتۋ جۇمىسى وڭىرلەردە تومەن دەڭگەيدە ءجۇرىپ جاتقانى اتاپ ءوتىلدى.

ياعني جوسپارلانعان 100 ميلليارد تەڭگەنىڭ 58,3 ميلليارد تەڭگەسى عانا بولىنگەن.

ق ر اۋىل شارۋاشىلىعى ءمينيسترى ەربول قاراشوكەيەۆ بولسا ەلدەگى الەۋمەتتىك ماڭىزى بار ازىق-تۇلىك قورى شامامەن 643,5 مىڭ توننانى قۇرايتىنىن حابارلادى.

قانت زاۋىتتارى ءونىمىن ەسەپكە الماعاندا، شامامەن 30 مىڭ توننا قانت قورى بار. بۇل رەتتە ەل ىشىندە ۇزدىكسىز ءوندىرىس قامتاماسىز ەتىلدى جانە ءۇندىستاننان قوسىمشا قانت كولەمىن جەتكىزۋگە كەلىسىمشارت جاسالدى.

اكىمدىكتەردىڭ دەرەكتەرىنە سايكەس، رەسپۋبليكا بويىنشا كارتوپ قورى 199 مىڭ توننانى، قىرىققابات - 17,2 مىڭ توننانى، ءسابىز - 43,1 مىڭ توننانى، پياز - 23,1 مىڭ توننانى قۇرايدى. ەسەپتەردى تىڭداعان ءاليحان سمايىلوۆ ءبىر اپتا ىشىندە ازىق-تۇلىكتىڭ نەگىزسىز قىمباتتاۋىنا جول بەرگەن وڭىرلەر اكىمدەرى بۇل ماسەلەگە جەتكىلىكتى باقىلاۋ جاساي الماي وتىرعانىن اتاپ كورسەتتى.

«ماڭعىستاۋ وبلىسىندا پياز %39,2 عا، سيىر ەتى %5,5- عا قىمباتتاعان. وتكەن جىلى ءبىز جامبىل وبلىسىنىڭ فەرمەرلەرىمەن وڭىرگە پياز جەتكىزۋ بويىنشا ۋاقىتىلى كەلىسىمشارت جاساۋ قاجەتتىگى تۋرالى بىرنەشە رەت ايتقان ەدىك. اتالعان جۇمىس ورىندالمادى، سول سەبەپتى ازىق-تۇلىك باعاسىنىڭ وسۋىنە جول بەرىلىپ وتىر. «اينالىم سحەماسىنا» 3,6 ميلليارد تەڭگەلىك جوسپار كەزىندە 1,1 ميلليارد تەڭگە ءبولىندى. بولىنگەن قاراجاتتان كاسىپكەرلەرگە 177 ميلليون تەڭگە عانا باعىتتالدى»، - دەدى ول.

ۇكىمەت باسشىسى سوڭعى ەكى جىلدا سولتۇستىك قازاقستان وبلىسىندا ءسۇت-تاۋار فەرمالارىن سالۋعا ايتارلىقتاي قاراجات بولىنگەنىن اتاپ ءوتتى. بۇل ورايدا وڭىردە ءسۇت ونىمدەرى، ايران، سۇزبە مەن سارى ماي تيىسىنشە %14,3- عا، %9,5- عا جانە %5,3- عا قىمباتتادى.

«ازىق- تۇلىك باعاسىن ۇستاپ تۇرۋ - ءبىرىنشى كەزەكتەگى ماڭىزدى ماسەلە. مەن بىرنەشە رەت «اينالىم سحەماسىن» قارجىلاندىرۋدى ارتتىرۋدى تاپسىرعان ەدىم. الايدا بۇگىندە جۇمىس ءتيىستى دەڭگەيدە ورىندالعان جوق. وسى ايدىڭ سوڭىنا دەيىن قارجىلاندىرۋدى 100 ميلليارد تەڭگەگە دەيىن ارتتىرۋدى تاپسىرامىن. الداعى اگرارلىق ماۋسىم قارساڭىندا وڭىرلەردىڭ ءبىرىنشى كەزەكتەگى مىندەتى كۇزگى اۋىل شارۋاشىلىعى ونىمدەرىن جەتكىزۋگە فورۆاردتىق شارتتار جاساسۋ بولۋى ءتيىس. ەگەر قازىر مۇمكىندىكتى جىبەرىپ الساق، ماۋسىمارالىق ۋاقىتتا ءبىز باعانىڭ وسۋىنە تاعى دا تاپ بولامىز»، - دەدى ءا. سمايىلوۆ.

ق ر پرەمەر-ءمينيسترى اۋىل شارۋاشىلىعى مينيسترلىگىنە اكىمدىكتەرمەن بىرلەسىپ، تۇراقتى نەگىزدە ءوندىرىس پەن تۇتىنۋ تەڭگەرىمىن وزەكتى ەتىپ وتىرۋدى، وڭىرلەر اراسىندا اۋىل شارۋاشىلىعى ونىمدەرىن ولاردىڭ قاجەتتىلىكتەرىن ەسكەرە وتىرىپ جەدەل تارتىپپەن جەتكىزۋدى تاپسىردى.

سونداي-اق اۋىل شارۋاشىلىعى مينيسترلىگىنە اكىمدىكتەرمەن بىرلەسىپ، كوكونىس ونىمدەرىنىڭ تاپشىلىعى مەن قاجەتتىلىگىن ەسكەرە وتىرىپ، ەگىلەتىن داقىلداردى ءارتاراپتاندىرۋ بويىنشا شارالار قابىلداۋ قاجەت ەكەنىن، ساۋدا ۇستەمەسىن باقىلاۋعا ەرەكشە نازار اۋدارۋ كەرەكتىگىن جەكتىزدى.

سەنبى كۇنى، 9- ساۋىردە، ۇكىمەتتىڭ سيفرلىق كەڭسەسىندە الەۋمەتتىك ماڭىزى بار ازىق-تۇلىك تاۋارلارى باعاسىنىڭ وسۋىنە جول بەرمەۋ، سونداي-اق ا ە ا جۇمىسىنىڭ تيىمدىلىگىن ارتتىرۋ بويىنشا قابىلدانىپ جاتقان شارالار تۋرالى كەڭەس وتكەن كەڭەستىڭ ەكىنشى ماسەلەسى ارنايى ەكونوميكالىق ايماقتار قىزمەتىنىڭ تيىمدىلىگىن ارتتىرۋ شارالارىن قابىلداۋ بولدى.

ءوز سوزىندە ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسشىسى قايىربەك وسكەنبايەۆ كەيبىر وڭىرلەردە ا ە ا اۋماعىن كەڭەيتۋ، وڭتايلاندىرۋ شارالارىن جۇرگىزۋ، باستالعان ينفراقۇرىلىمنىڭ قۇرىلىسىن اياقتاۋ، بەيىندى ەمەس قىزمەت تۇرلەرىن قىسقارتۋ جوسپارلانعانىن حابارلادى.

«يندۋستريا جانە ينفراقۇرىلىمدىق دامۋ مينيسترلىگىنە مۇددەلى مەملەكەتتىك ورگاندارمەن بىرلەسىپ، بيىلعى 25- ساۋىرگە دەيىن ۇكىمەتكە ا ە ا دامىتۋ جونىندەگى وزەكتەندىرىلگەن جول كارتاسىن ەنگىزۋدى تاپسىرامىن»، - دەپ قورىتتى ءا. سمايىلوۆ.