11:50, 09 - ءساۋىر 2022 | GMT +5
الماتىداعى كوكتەم - فوتورەپورتاج
الماتى. قازاقپارات - الماتى كوكتەمدە ەرەكشە اسەم بولادى.
قالانىڭ اۋاسىنان جاۋقازىن مەن گۇلدەردىڭ جۇپار ءيىسى اڭقىپ تۇر. الماتىلىقتاردىڭ كوكتەمگى ادەمى كوڭىل كۇيى قازاقپارات ءتىلشىسىنىڭ فوتورەپورتاجىندا.
الماتىعا كوكتەم كەلىپ، اعاشتار بۇرشىك جارىپ جاتىر. ورىك، شيە، ماگنوليا گۇلدەپ، اينالا جاسىل تۇسكە بويالدى.
قالا ىشىندە گۇلدەردىڭ حوش ءيىس اڭقىپ تۇر. الماتىلىقتار بوس ۋاقىتىن تابيعات اياسىندا قىزىقتى وتكىزىپ جاتىر.
بالالار اسىر سالىپ ويناپ ءجۇر. قالادا قازىر اۋا تەمپەراتۋراسى شامامەن 27+ گرادۋس.
سينوپتيكتەردىڭ بولجاۋىنشا، ءساۋىر ايىنىڭ ورتاسىندا اۋا تەمپەراتۋراسى 30 گرادۋسقا دەيىن كوتەرىلەدى.
كوكتەم - سەرۋەندەۋگە تاماشا ۋاقىت. بيىل كوروناۆيرۋس پاندەمياسىنا بايلانىستى ەنگىزىلگەن بارلىق شەكتەۋلەردىڭ الىنعانى دا تۇرعىنداردىڭ كوڭىل كۇيىنە اسەر ەتتى.
