ەلىمىز جاڭا ەنەرگيا كوزدەرىنە مۇقتاج - مينيسترلىك
ونىڭ شەڭبەرىندە ەلەكتر ەنەرگياسىن ءوندىرۋ مەن تۇتىنۋدىڭ بولجامدى ماندەرىن، جاڭا ءوندىرۋشى قۋاتتى ىسكە قوسۋدىڭ قاجەتتى كولەمى مەن قۇرىلىمىن ەسەپتەي وتىرىپ، ەنەرگەتيكالىق كەشەندى دامىتۋدى مودەلدەۋ جۇمىسى جاسالدى.
2035-جىلعا قاراي ەلەكتر جۇكتەمەسىنىڭ ەڭ جوعارعى كورسەتكىشى 22,7 گۆت دەڭگەيىنە جەتەدى. %10 دەيىنگى كولەمدە قۋات رەزەرۆىن قامتاماسىز ەتۋ قاجەتتىلىگىن ەسكەرە وتىرىپ، 2035-جىلعا قاجەتتىلىك 24 گ ۆ ت- تى قۇرايتىن بولادى. ەنەرگەتيكالىق تەڭگەرىمگە سايكەس 2035-جىلعا قاراي ەلەكتر ەنەرگياسىن تۇتىنۋ كولەمى شامامەن 153 ميلليارد كۆت/ساع قۇرايدى.
ۋاقىت وتە كەلە ىستەن شىعۋى بولجانىپ وتىرعان ەلەكتر قۋاتىنىڭ كولەمىن نازارعا الا وتىرىپ، وتاندىق ەنەرگيا جۇيەسى جاڭا ەنەرگيا كوزدەرىنە وتە مۇقتاج.
«سونداي-اق گەنەراتسيالاۋ سەكتورىنا ەكولوگيالىق اسەردى تومەندەتۋ، ونىڭ ىشىندە پارنيكتىك گاز شىعارىندىلارىن ازايتۋ (2030-جىلعا قاراي شىعارىندىلاردى 1990-جىلعى دەڭگەيگە قاراعاندا %15 تومەندەتۋ)، 2060-جىلعا قاراي كومىرتەگى بەيتاراپتىعىنا قول جەتكىزۋ جونىندە قابىلدانعان مىندەتتەمەلەر بويىنشا ءبىرقاتار فاكتورلار اسەر ەتەتىنىن اتاپ ءوتۋ قاجەت. وسىعان بايلانىستى 2035-جىلعا دەيىن 10 گۆتتان استام ەلەكتر قۋاتىن، ونىڭ ىشىندە شامامەن 6,5 گۆتى جاڭارتىلاتىن ەنەرگيا كوزدەرىن پايدالانۋ وبەكتىلەرىن (كوبىنەسە جەل ستانتسيالارىن) ەنگىزۋ جوسپارلانعان» دەلىنگەن حابارلامادا.
كۇن جانە جەل ەلەكتر ستانتسيالارىنىڭ ەلەكتر ەنەرگياسىن ءوندىرۋ- تۇتىنۋدىڭ تاۋلىكتىك كەستەسىنە تەرىس اسەرىن بارىنشا ازايتۋ ماقساتىندا جەك وبەكتىلەرىنىڭ ەلەكتر ەنەرگياسىن جيناقتاۋ جۇيەلەرىن قولدانۋ جونىندەگى تالاپتار ەنگىزىلەدى.
وكىنىشكە قاراي، اۋا رايى جاعدايىنا، جىل جانە تاۋلىك ۋاقىتىنا بايلانىستى جەك وبەكتىلەرىنەن ەلەكتر ەنەرگياسىن ءوندىرۋدىڭ تۇراقسىزدىعىن ەسكەرە وتىرىپ، ولاردى ەلدىڭ ەنەرگيا جۇيەسىندەگى بازالىق قۋات كوزدەرى رەتىندە قاراۋ مۇمكىن ەمەس. حالىقارالىق قارجى ۇيىمدارىنىڭ كومىر ەلەكتر ستانتسيالارىن سالۋ جونىندەگى جوبالاردى قارجىلاندىرۋدان جاپپاي باس تارتۋىنا بايلانىستى جاڭا كومىر گەنەراتسياسىن ودان ءارى ەنگىزۋ مۇمكىندىگى شەكتەۋلى.
وسىعان بايلانىستى ەلدىڭ ەنەرگەتيكالىق تەڭگەرىمىندە بازالىق گەنەراتسيانىڭ جاڭا كوزى رەتىندە بەلگىلەنگەن قۋاتى 2,4 گۆتتان كەم بولمايتىن اتوم ەلەكتر ستانتسياسى كوزدەلگەن.
