شىعىس قازاقستاندىقتارعا تاۋعا شىقپاۋ قاجەتتىگىن ەسكەرتتى

وسكەمەن. قازاقپارات - شىعىس قازاقستان وبلىسىندا بۇگىن بىرنەشە رەت جاساندى جولمەن قار كوشكىنى جۇرگىزىلدى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، بۇگىندە وبلىستىڭ تاۋلى ايماقتارىندا قار ءالى دە كوپ. كەي جەرلەردە قار قالىڭدىعى 40 تان 60 س م- گە دەيىن جەتەدى.

«سوعان وراي قار كوشكىنىنىڭ الدىن الۋ جۇمىستارى جالعاسۋدا. بۇگىن كاتونقاراعاي اۋدانىنداعى «بەرەل-راحمان قاينارلارى» تاسجولىنىڭ 432-438 شاقىرىمىندا جاساندى جولمەن 890 شارشى مەتر، التاي اۋدانىنداعى «التاي- بوگاتىريەۆو» تاسجولىنىڭ 3 ۋچاسكەسىندە 770 تەكشە مەتر قار ءتۇسىرىلدى»، - دەپ حابارلادى ۆەدومستۆو وكىلدەرى.

وسى رەتتە، قۇتقارۋشىلار تۇرعىندارعا بارىنشا اباي بولىپ، تاۋعا شىقپاۋ قاجەتتىگىن ەسكەرتتى.

ەستەرىڭىزگە سالا كەتسەك، ش ق و- دا 11- ساۋىرگە دەيىن قار كوشكىنى ءجۇرۋ قاۋپى ساقتالاتىنىن حابارلاعان بولاتىنبىز.