21:30, 08 - ءساۋىر 2022 | GMT +5
اتىراۋ وبلىسىن شاڭدى داۋىل باسىپ قالدى
اتىراۋ. قازاقپارات - وبلىس ورتالىعى مەن اتىراۋ وبلىسى اۋداندارىنىڭ ءبىر بولىگىن شاڭدى داۋىل باستى، دەپ حابارلايدى قازاقپارات ءتىلشىسى.
ەكپىنى سەكۋندىنا 20 مەتردەن اساتىن كۇشتى جەل اتىراۋ قالاسىنىڭ بارلىق ىقشاماۋداندارىندا قۇم مەن شاڭدى اسپانعا كوتەردى. الەۋمەتتىك جەلىلەردە حابارلانعانداي، كەي جەرلەردە جولداردا كولىكتەردىڭ شامى جانىپ تۇرسا دا جول كورىنىسى ولاردىڭ قوزعالىسىنا كەدەرگى كەلتىرىپ وتىر. ءوڭىردىڭ توتەنشە جاعدايلار دەپارتامەنتى جۇرگىزۋشىلەر مەن جاياۋ جۇرگىنشىلەردى اسا ساق بولۋعا شاقىرادى.
«توبەسى ۇلكەن عيماراتتاردىڭ جانىنان ءوتۋ نەمەسە كولىك جۇرگىزۋ كەزىندە اسا مۇقيات بولۋ كەرەك»، - دەپ ەسكەرتتى ايماقتىڭ ت ج دەپارتامەنتى.
