رەسەي اسكەرى ۋكرايناداعى قالانىڭ ۆوكزالىنا زىمىران تاستادى
بۇل تۋرالى «ۋكرزاليزنيتسا» ا ق باسقارما ءتوراعاسى الەكساندر كامىشين مالىمدەدى، دەپ حابارلايدى Bugin.kz پورتالى Haberler سايتىنا سىلتەمە جاساپ.
- «كراماتورسك ۆوكزالىنا 2 زىمىران ءتۇستى. قۇرباندار بار. بۇل تەمىرجولدىڭ جولاۋشىلار ينفراقۇرىلىمىنا جانە كراماتورسك قالاسىنىڭ تۇرعىندارىنا باعىتتالعان سوققى»، - دەدى ول.
ال دونەتسك وۆا باسشىسى پاۆەل كيريلەنكونىڭ ايتۋىنشا، رەسەي قارۋلى كۇشتەرى ستانتسيانى يسكاندەر كلاستەرىمەن سوققان.
- «وقيعا ورنىندا جۇمىس ىستەپ جاتقان پوليتسەيلەر مەن قۇتقارۋشىلار قازا تاپقاندار مەن جارالانعاندار بار ەكەنىن حابارلادى»، - دەدى كيريلەنكو.
زىمىران سوققىسى جاسالعان كەزدە ستانتسيادا مىڭداعان ادام بولعان. ولاردىڭ ءبارى قاۋىپسىز جەرلەرگە ەۆاكۋاتسيالانىپ جاتقان دونباسس تۇرعىندارى.
- «باسقىنشىلار نەنى قالايتىنىن جاقسى ءبىلدى: ولار دۇربەلەڭ جاساپ، حالىقتىڭ جۇرەگىنە قورقىنىش ۇيالاتىپ، مۇمكىندىگىنشە بەيبىت ادامداردى كەپىلگە العىسى كەلەدى. رەسەي فەدەراتسياسى - اتقىلاۋ مەن قىلمىسكەرلەر ەلى. زۇلىمدىقتى توقتاتۋ كەرەك!» - دەپ باسا ايتتى ول.
