الماتى وبلىسىندا رەسپۋبليكالىق ماڭىزى بار اۆتوجول ءبىر كۇنگە جابىلادى

نۇر-سۇلتان. قازاقپارات - الماتى وبلىسىندا رەسپۋبليكالىق ماڭىزى بار اۆتوجول جابىلادى، دەپ حابارلايدى وڭىرلىك ت ج د باسپا ءسوز قىزمەتى.

««نۇرتاس» ج ش س حابارلاۋى بويىنشا رەسپۋبليكالىق ماڭىزى بار «سارىوزەك- كوكتال» اۆتوجولىندا 45-68 شاقىرىم ۋچاسكەسىندە رەكونستۋكتسيالىق جۇمىستاردىڭ جۇرگىزىلۋىنە بايلانىستى 2022 -جىلعى 8-ءساۋىر كۇنى ساعات 9:00-دەن باستاپ 9-ءساۋىر كۇنى ارالىعىندا بۇرعىلاۋ- جارۋ جۇمىستارى جۇرگىزىلەتىن بولادى. وسىعان بايلانىستى اۆتوكولىك جولىنىڭ وسى ۋچاسكەسى اۆتوكولىكتىڭ بارلىق تۇرلەرى ءۇشىن جابىق بولادى» دەلىنگەن حابارلامادا.

الماتى وبلىسىنىڭ ت ج دەپارتامەنتى ازاماتتاردان وسى باعىتتا جول جۇرۋدەن باس تارتۋدى جانە ءوز باعىتىن الدىن الا تۇزەتۋدى، سونداي-اق 112 قىزمەتى بەرەتىن سمس حابارلامالاردى نازاردان تىس قالدىرماۋدى سۇرايدى.