رەسەي ب ۇ ۇ جانىنداعى ادام قۇقىقتارى جونىندەگى كەڭەسكە داۋىس بەرۋ قۇقىنان ايىرىلدى

نيۋ- يورك. تاسس- قازاقپارات – ب ۇ ۇ باس اسسامبلەياسى بەيسەنبى كۇنى ۋكرايناداعى احۋالعا بايلانىستى وتكەن ارنايى سەسسيا بارىسىندا رەسەيدىڭ ادام قۇقىقتارى جونىندەگى كەڭەسكە مۇشەلىگىن توقتاتۋ تۋرالى رەزوليۋتسيانى قابىلدادى، دەپ حابارلايدى قازاقپارات تاسس اقپارات اگەنتتىگىنە سىلتەمە جاساپ.

بۇل رەزوليۋتسيانى قولداپ 93 مەملەكەت داۋىس بەرسە، 24 دەلەگاتسيا قارسى شىققان، 58- ءى قالىس قالدى. قۇجاتتى قابىلداۋ ءۇشىن داۋىس بەرۋگە قاتىسۋشىلاردىڭ ۇشتەن ەكىسى قولداۋى قاجەت ءارى قالىس قالعاندار ەسەپكە الىنبايدى.

وسىلايشا، بارلىعى 117 دەلەگاتسيا جاقتاپ نەمەسە قارسى داۋىس بەردى. شەشىمدى قولداعان 93 داۋىس بارلىق مانداتتىڭ ۇشتەن ەكىسىنەن اساتىن بولعاندىقتان، رەزوليۋتسيا قابىلداندى.

ايتا كەتەيىك، رەسەيدىڭ مۇشەلىگىن توقتاتۋ تۋرالى شەشىم تەك قازىرگى روتاتسياعا، ياعني 2023 -جىلى رەسەي فەدەراتسياسىنىڭ كەڭەستەگى مەرزىمى اياقتالعانعا دەيىن قولدانىلادى. ودان ءارى رەسەي فەدەراتسياسى مۇشەلىككە قايتادان ءوتىنىش بەرە الادى.

اۆتور: اسحات رايقۇل