يندەكستەۋدەن كەيىن زەينەتاقى قانشا بولادى؟

None
None
نۇر-سۇلتان. قازاقپارات - ۇلتتىق ەكونوميكا ءمينيسترى الىبەك قۋانتىروۆ رەسپۋبليكالىق بيۋجەتكە ەنگىزىلگەن تۇزەتۋلەردە زەينەتاقى مەن كەيبىر جاردەماقىلاردى يندەكستەۋ جوسپارلانعانىن ايتتى.

Tengrinews.kz ءتىلشىسى بەلگىلى ەكونوميست ماقسات حالىقپەن بايلانىسىپ، جوسپارلى يندەكستەۋ ساياساتىنىڭ ناتيجەسىندە الەۋمەتتىك تولەمدەر قانشا پايىزعا كوتەرىلەتىنىن انىقتادى.

ماقسات حالىق، ەڭ الدىمەن، يندەكستەۋ دەگەنىمىز نە ەكەنىن ءتۇسىندىرىپ بەردى.

«يندەكستەۋ - ەلدەگى ينفلياتسيا جاعدايىن ەسكەرىپ، زەينەتاقىنى ءوسىرۋ. بۇل تەك زەينەتاقىعا قاتىستى ەمەس، سونىمەن بىرگە كەلىسىمشارت سوماسىن، نەسيەنى، جالاقىنى، جاردەماقىلاردى، سالىمداردى جانە ت. ب. تۇتىنۋ باعالارىن يندەكسكە ساي ينفلياتسيادان قورعاۋ قۇرالى»، - دەيدى ول.

ەكونوميست ينفلياتسيا سالدارىنان تۋىنداعان ەكونوميكالىق وزگەرىستەرگە مىسال كەلتىردى.

«مىسالى، وتكەن جىلى قازاقستاندا 8,5 پايىز ينفلياتسيا بولسا، دەمەك بيىل زەينەتاقىنى وسىنشاما پايىزعا ءوسىرۋ كەرەك بولادى. ەگەر سىزگە 43000 تەڭگە ىنتىماقتى زەينەتاقى تاعايىندالسا، يندەكستەۋدەن كەيىن بۇل سومما 3655 تەڭگەگە ارتادى، ياعني 46655 تەڭگە بولادى»، - دەيدى ەكونوميست.

ايتا كەتەيىك، قازاقستاندا زەينەتاقى مەن جاردەماقىنى يندەكساتسيالاۋ ءۇشىن بيۋجەتكە قوسىمشا 111 ميلليارد تەڭگە ءبولۋ جوسپارلانىپ وتىر.

سوڭعى جاڭالىقتار