الماتىدا تەرەزە جۋىپ جاتقان الپينيست بيىكتەن قۇلاپ كوز جۇمدى

None
None
الماتى. قازاقپارات - الماتىدا كوپقاباتتى تۇرعىن ۇيلەردىڭ ءبىرىنىڭ تەرەزەسىن جۋىپ جاتقان 27 جاستاعى وندىرىستىك الپينيست بيىكتەن قۇلاپ كوز جۇمدى، دەپ حابارلايدى قازاقپارات ءتىلشىسى.

قايعىلى جاعداي الماتى قالاسىنىڭ بوستاندىق اۋدانىندا بولدى.

قالالىق پوليتسيا ءالپينيستىڭ وقيعا ورنىندا قازا تاپقانىن راستادى.

«1995-جىلى تۋعان ازامات بيىكتەن قۇلاپ كەتتى. ول وقيعا ورنىندا قازا تاپتى. سوت-مەديتسينالىق ساراپتاما تاعايىندالدى. ءمان-جاي انىقتالىپ جاتىر. بۇل فاكتى بوستاندىق اۋداندىق پوليتسيا بولىمىندە تىركەلدى»، - دەپ حابارلادى قالالىق پوليتسيا دەپارتامەنتىنىڭ باسپا ءسوز قىزمەتى.

ەسكە سالا كەتەيىك، بىلتىر قاراشا ايىندا «جەتىسۋ» شاعىن اۋدانىندا كوپقاباتتى ۇيلەردىڭ ءبىرىنىڭ تەرەزەسىنەن 28 جاستاعى ايەل مەن ونىڭ 2015، 2016 جانە 2019-جىلى تۋعان ءۇش كىشكەنتاي بالاسى 9-قاباتتىڭ تەرەزەسىنەن سەكىرىپ كەتكەن ەدى.

ايەل مەن ەكى بالاسى وقيعا ورنىندا كوز جۇمدى. تاعى ءبىر بالا جەدەل جاردەم كولىگىندە قايتىس بولدى.

سوڭعى جاڭالىقتار