پوليتسيا قىزمەتكەرلەرى اراسىنداعى سىبايلاس جەمقورلىققا قارسى كۇرەس باستالادى
بۇل تۋرالى ىشكى ىستەر ءمينيسترى مارات احمەتجانوۆ پەن سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى ولجاس بەكتەنوۆتىڭ كەزدەسۋى بارىسىندا بەلگىلى بولعان.
«بۇنى الدىمەن سىبايلاس جەمقورلىقتىڭ العىشارتتارىن جويمايىنشا جۇزەگە اسىرۋ مۇمكىن ەمەس. ول ءۇشىن ءبىز بارلىق بولىمشەلەردە ىشكى تاۋەكەلدىك تالداۋلار جۇرگىزەمىز»، - دەدى احمەتجانوۆ.
سىبايلاس جەمقورلىققا قارسى قىزمەتتىڭ باسشىسى ءى ءى م باستاماسىن قولداپ وتىر.
پوليتسيا قىزمەتكەرلەرى حالىقپەن تىعىز بايلانىستا، سوندىقتان تۇرمىستىق سىبايلاس جەمقورلىققا بارىنشا بەيىم. ونى جويۋ تۋرالى مەملەكەت باسشىسى بىرنەشە رەت ايتقان بولاتىن.
«ءبىز ءى ءى م- نەن سىبايلاس جەمقورلىققا قارسى ءىس-قيمىل جانە حالىقتىڭ ەلدەگى قاۋىپسىزدىك پەن قۇقىقتىق ءتارتىپتى ساقتاۋدا تۇرعان پوليتسيانىڭ ادالدىعى مەن پاراعا ساتىلمايتىندىعى تۋرالى سەنىمىن قالىپتاستىرۋدا سەرىكتەس كورىپ وتىرمىز»، - دەدى بەكتەنوۆ.
سونىمەن قاتار پوليتسيا Integrity check ادالدىقتى تەكسەرۋدى سىناقتان وتكىزۋگە نيەتتى.
بۇل شارا كوپتەگەن ەلدەردە ءساتتى قولدانىلادى.
قازاقستاندا ونى ەنگىزۋ 2022-2026-جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىن ىسكە اسىرۋ اياسىندا كوزدەلگەن.
قازىرگى ۋاقىتتا اگەنتتىك قۇقىقتىق نەگىز ازىرلەۋدە.