ون سوتىق جەر كەزەگىنە ەندى ەلەكتروندى تۇردە تۇرۋعا بولادى
ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ حابارلاۋىنشا، تۇرعىندار، ءتىپتى كەزەگىنىڭ جىلجۋ بارىسىن ءوز بەتىنشە باقىلاپ، جەر كەزەگىنە بۇدان بۇرىن بەرىلگەن ءوتىنىشىنىڭ دەرەكتەرىن وزەكتەندىرە الادى.
بۇل پروتسەس ءاربىر قازاقستاندىق الۋى ءتيىس 10 سوتىق جەردى الۋ بارىسىن بارىنشا اشىق قىلادى.
ال اۆتوماتيزاتسيا ارقاسىندا بۇل پروتسەسكە 5 مينۋت قانا جۇمسالادى. بۇعان دەيىن جەر ۋچاسكەسىن الۋ كەزەگىنە تۇرۋ ءۇشىن قازاقستاندىقتار اكىمدىكتەرگە قاعاز جۇزىندە ءوتىنىش تاپسىراتىن، وندا كەزەك رەتى دۇرىس جۇرگىزىلە بەرمەيتىن.
ونىڭ ۇستىنە، كەزدە كەزەككە تۇرۋ پروتسەسى 12 كۇن ۋاقىتتى الاتىن. بۇل وتىنىشتەر 16 جىل بويى اۋدان، قالا، وبلىس دەڭگەيىندە بولەك-بولەك ساقتالدى.
«اكىمدىكتەر بەرگەن ءتىزىمدى ءبىز سيفرلاندىرىپ، ەلەكتروندى فورماتقا اۋىستىردىق. جەر تەلىمىنە كەزەكتى سيفرلاندىرۋ - سىبايلاس جەمقورلىقتى جويۋ جانە جەردى يگەرۋ ۇدەرىسىندە جاسالعان ۇلكەن ىلگەرى قادام. ەندى كامەلەت جاسىنا تولعان ءاربىر قازاقستاندىق ۇيدەن شىقپاي-اق، 10 سوتىق جەرگە eGov.kz ارقىلى ءوتىنىم بەرە الادى. تاعى ءبىر جاڭاشىلدىق - ەندى تاڭداعان ايماقتىڭ اكىمدىگىنە بارماي-اق، ەلىمىزدىڭ كەز كەلگەن وڭىرىنەن جەر تەلىمىنە ءوتىنىم بەرۋگە بولادى»، - دەپ ءتۇسىندىردى ق ر سيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى اسەت تۇرىسوۆ.
بۇل قىزمەتتى پايدالانۋ ءۇشىن eGov.kz پورتالىنا كىرىپ، «جىلجىمايتىن مۇلىك» - «جەر قاتىناستارى» بولىمىنەن «جەكە تۇرعىن ءۇي قۇرىلىسىنا جەر ۋچاسكەسىن (10 سوتىق جەر) الۋعا كەزەكتى قاراۋ نەمەسە كەزەككە تۇرۋ» قىزمەتىن تاڭداۋ قاجەت.
ايتا كەتەيىك، بۇعان دەيىن بۇل قىزمەتتىڭ ەلوردا عانا ەلەكتروندى تۇردە بولعانىن حابارلاعان ەدىك.
