قىزىلوردا وبلىسىندا اكىمدەر اۋىل شارۋاشىلىعى جەرىن وڭدى- سولدى بەرىپ كەلگەن

None
None
نۇر-سۇلتان. قازاقپارات - قىزىلوردا وبلىسىندا اكىمدەر اۋىل شارۋاشىلىعى ماقساتىنداعى جەرلەردى وڭدى- سولدى بەرە بەرگەن. ناتيجەسىندە كادەگە اسپاي، بوس جاتقان جەر كوپ.

ماسەلەن وڭىردەگى شارۋالار مال شارۋاشىلىعىنا 6 مىڭداي جەر تەلىمىن العان بولسا، سونىڭ جارتىسىنان استامى پايدالانىلماعان. قۇزىرلى ورگاندار 43 اگروسەرىكتەستىكتى تەكسەرىپ جاتىر. جالپى 24 ميلليون گەكتاردى قۇرايتىن وبلىس تەرريتورياسىنىڭ 11 پروتسەنتى مال شارۋاشىلىعان ارنالعان. ال ەلدىمەكەندەردىڭ ماڭايىندا جايىلىمدىق پەن شابىندىق جەتىسپەيدى.

مال جايۋعا جارايتىن 11 ميلليون گەكتار جەر يگەرۋسىز جاتىر. ءارى دالالىقتا قۇدىق قازىلماعان جانە ەلەكتر جەلىسى جۇرگىزىلمەگەن.

«جەر قاتىناستارىنىڭ» جاڭا زاڭناماسىنا سايكەس ەندى قالا، اۋدان، اۋىل اكىمدەرى جەر تەلىمدەرىن بولۋگە ارالاسا المايدى. ونىمەن جەر رەسۋرستارىن باسقارۋ دەپارتامەنتى اينالىسادى. بوس جاتقان اۋماقتاردى مەملەكەت مەنشىگىنە وتكىزۋ ارقىلى وڭىرلىك گەواقپاراتتىق جۇيە قايتا جاساقتالىپ، جىل سايىن 65-75 مىڭ گەكتار القاپ اگرواينالىمعا ەنگىزىلمەك. بۇدان بىلاي گەوپورتال پلاتفورماسى مەن ايماقتىڭ ءبىرىڭعاي كارتوگرافياسى نەگىزىندە جايىلىم ىزدەگەن شارۋالارعا جەر كەدەرگىسىز بولىنەتىن بولادى.

قايرات توعىزبايەۆ، وبلىستىق جەر رەسۋرستارىن باسقارۋ دەپارتامەنتىنىڭ باسشىسى:

- شارۋا قوجالىعىن اشىپ، وسىنداي جۇمىستار جۇرگىزەمىن دەيتىن كىسىلەر بولسا سول 11,1 ميلليون گ ا جەردەن ولارعا جەر بەرۋگە تولىق مۇمكىندىك بار. شالعايداعى جايىلىمدىقتاردى سۋلاندىرۋعا بايلانىستى قۇدىقتار قازۋ، ەلەكتر ەنەرگياسىن اپارۋ وبلىس اكىمدىگىنىڭ كۇن تارتىبىندەگى ماسەلە بولىپ وتىر. جايىلىمدىق جەرلەردىڭ جەتىسپەۋشىلىگى شەشىلەتىن بولادى.

www.24.kz


سوڭعى جاڭالىقتار