ە و- نىڭ رەسەيگە قارسى سانكسيالارىنىڭ بەسىنشى پاكەتىنە مۇناي ەمبارگوسى كىرمەدى

None
None
بريۋسسەل. تاسس- قازاقپارات - رەسەيگە قارسى مۇناي ەمبارگوسى ە و- نىڭ بەسىنشى سانكسيالار پاكەتىنە كىرمەيدى، ءبىراق ە و س ءى م باسشىلارى ونى 11- ساۋىردە قارايدى.

بۇل تۋرالى ە و- نىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى حوسەپ بوررەل ناتو س ءى م باسشىلارىنىڭ كەزدەسۋىنە كەلگەندە مالىمدەدى، دەپ حابارلايدى قازاقپارات تاسس اگەنتتىگىنە سىلتەمە جاساپ.

«مۇناي ەمبارگوسى قازىرگى سانكسيالار پاكەتىنە كىرمەيدى، ءبىراق مينيسترلەر ونى دۇيسەنبى كۇنى قارايدى»، - دەدى بوررەل.

ول ە و ەلشىلەرىنىڭ رەسەيگە قارسى سانكسيالاردىڭ بەسىنشى پاكەتىن سارسەنبى كۇنى كەلىسە الماعانىن، ءبىراق شەكتەۋلەردىڭ بۇل بلوگىن بۇگىن، جوق دەگەندە ەرتەڭ قارايتىنىنا ۇمىتتەنەتىنىن العا تارتتى.

«بەسىنشى سانكسيالار پاكەتىن الدىمەن تۇراقتى وكىلدەر، سودان كەيىن س ءى م باسشىلارىنىڭ كەڭەسى ماقۇلدايدى دەپ ۇمىتتەنەمىن. قازىر قارا تىزىمگە كىرەتىندەر ءتىزىمىن تالقىلاپ جاتىر. ولار بۇگىن نەمەسە ەرتەڭ قابىلدانۋى مۇمكىن»، - دەدى ول.

باررەل وسى اپتانىڭ سوڭىندا ەۋروپالىق كوميسسيا باسشىسى ۋرسۋلا فون دەر ليايەنمەن بىرگە كيەۆكە بارىپ، جاڭا سانكسيالار پاكەتىن جاريالاۋعا ۇمىتتەنەتىنىن ەسكە سالدى.

اۆتور: اقبوپە ءابدراسۋل


سوڭعى جاڭالىقتار