ش ق و: التاي اۋدانىنا اسكەر مەن تەحنيكا جىبەرىلدى

وسكەمەن. قازاقپارات - شىعىس قازاقستان وبلىسىنداعى سۋ تاسقىنى كەزەڭىندە ىقتيمال قاۋىپتەردىڭ الدىن الۋ جانە مونيتورينگ جۇرگىزۋ ماقساتىندا التاي اۋدانىنا 68303 اسكەري ءبولىمىنىڭ 15 اسكەريى مەن 2 تەحنيكا جىبەرىلدى، دەپ حابارلايدى قازاقپارات ءتىلشىسى.

ايماقتاعى توتەنشە جاعداي دەپارتامەنتى باسپا ءسوز قىزمەتىنىڭ حابارلاۋىنشا، جىبەرىلگەن كۇشتەر مەن قۇرالدار زۋبوۆسك كەنتىندە سۋ تاسقىنىن باقىلايتىن 2 بەكەت ۇيىمداستىرعان.

«اسكەريلەرمەن حالىقتىڭ الەۋمەتتىك وسال توپتارىنا كومەك كورسەتۋ جانە ارىق جۇيەلەرىن تازالاۋ بويىنشا الدىن الۋ جۇمىستارى جۇرگىزىلۋدە. زارەچنىي كوشەسىندە 25 مەتر ارىق جۇيەلەرى مۇزدان ارىلدى، گريازنۋشكا وزەنىندەگى كوپىردىڭ استى ەنى 2 مەتر، تەرەڭدىگى 70 سانتيمەتر تازارتىلدى. لازو كوشەسىندە حالىقتىڭ الەۋمەتتىك وسال توپتارى تۇراتىن ۇيلەردەن باستاپ، ۇزىندىعى - 135 مەتر، ەنى 90 سانتيمەتر ارىق جۇيەلەرىن قاردان تازارتۋ بويىنشا الدىن الۋ ءىس- شارالارى جۇرگىزىلدى»، - دەلىنگەن حابارلامادا.