قىتايدا كوروناۆيرۋس جۇقتىرۋدىڭ رەكوردتىق سانى تىركەلدى
بۇل تۋرالى قىتاي حالىق رەسپۋبليكاسىنىڭ دەنساۋلىق ساقتاۋ ىستەرى جونىندەگى مەملەكەتتىك كوميتەتى ءمالىم ەتتى، دەپ حابارلايدى قازاقپارات ءتىلشىسى.
ماتەريكتىك قىتايدىڭ ايماقتارى اراسىندا سولتۇستىك- شىعىس جيلين پروۆينسياسى مەن شاڭحاي قالاسىندا كۇردەلى ەپيدەميولوگيالىق جاعداي ساقتالىپ وتىر.
«وتەن تاۋلىكتە كوروناۆيرۋس ينفەكسياسىن جۇقتىرۋدىڭ 1323 جاعدايى تىركەلدى، ونىڭ ىشىندە 39 ناۋقاس شەتەلدەن كەلگەن. 1284 ۆيرۋس جۇقتىرۋ جاعدايى ەل ىشىنەن انىقتالدى، باسىم بولىگى جيلين پروۆينتسياسى (890) جانە شاڭحاي قالاسىندا (322)» دەلىنگەن ۆەدومستۆونىڭ حابارلاماسىندا.
قىتايدا سيمپتومسىز ناۋقاستاردىڭ جەكە ستاتيستيكاسى بار. وتكەن تاۋلىكتە 21784 سيمپتومسىز تاسىمالداۋشى انىقتالدى، ونىڭ 73- ءى شەتەلدەن كەلگەن. بۇل ساناتتاعىلاردىڭ دا باسىم بولىگى شانحايدا (19660) جانە جيلين پروۆينتسياسىندا (1 546) تىركەلدى. پاندەميا باستالعاننان بەرى ماتەريكتىك قىتايدا COVID-19 دياگنوزى قويىلعانداردىڭ جالپى سانى 160,1 مىڭنان استى، ساۋىققان جانە اۋرۋحانالاردان شىعارىلعاندار - 131,3 مىڭ، قايتىس بولعاندار - 4638 ادام. ك ۆ ي- ءدىڭ جاڭا تولقىنى 31 اكىمشىلىك- اۋماقتىق ءبولىنىسىنىڭ 29-ىندا تارالعان. 5- ساۋىردەگى جاعداي بويىنشا 1,24 ميلليارد استام ادام تولىقتاي ەكپە الدى، بۇل - قىتايدىڭ جالپى حالقىنىڭ 88 پايىزى. بۇعان دەيىن ءۇندىستاندا وميكرون XE كوروناۆيرۋسىنىڭ جاڭا ءتۇرى تىركەلگەنى تۋرالى حابارلانعان بولاتىن.
اۆتور: ەركەجان ساعيمۇرات
