تالعارداعى ورتالىق بازار ورتەندى

تالدىقورعان. قازاقپارات - الماتى وبلىسىنىڭ تالعار قالاسىندا بازار ورتەنىپ، ءۇش ساعاتتىڭ ىشىندە تولىقتاي ءسوندىرىلدى.

جالىن 900 شارشى مەتر جەردى شارپىعان، - دەپ حابارلايدى قازاقپارات ءتىلشىسى.

«ايتەكە بي كوشەسى بويىندا ورنالاسقان امبەباپ بازار اۋماعىندا ساۋدا نۇكتەلەرى (كونتەينەر تۇرىندەگى) جانىپ جاتقانى تۋرالى حابارلاما 7-ءساۋىر كۇنى تۇنگى ساعات 2:00-دە كەلىپ ءتۇستى. دەرەۋ ءورت ءسوندىرۋ بولىمشەلەرى جىبەرىلدى. جالىن ساعات 03:51-دە اۋىزدىقتالىپ، ساعات 05:00-دە تولىق ءسوندىرىلدى. 900 شارشى مەتر جەردى شارپىعان. قازا تاپقاندار جوق» دەلىنگەن الماتى وبلىستىق ت ج د باسپا ءسوز قىزمەتىنىڭ حابارلاماسىندا.

ۆەدومستۆونىڭ حابارلاۋىنشا، ورتكە قارسى قىزمەتتىڭ جەدەل ءىس- قيمىلدارى ناتيجەسىندە جالىننىڭ بازاردىڭ بارلىق اۋماعىنا تارالۋىنا جول بەرىلگەن جوق. ال امبەباپ بازاردىڭ جالپى اۋدانى - 8330 ش. م. ءورت سوندىرۋگە وبلىستىق ت ج د- نىڭ 25 قىزمەتكەرى مەن 8 تەحنيكاسى، الماتى قالاسى ت ج د- نىڭ 6 قىزمەتكەرى مەن 2 تەحنيكاسى، سونداي-اق پوليتسيا وكىلدەرى، جەدەل جاردەم بريگادالارى جانە باسقا دا ءوزارا ءىس-قيمىل قىزمەتتەرى قاتىستى.

«ءورتتىڭ شىعۋ سەبەبى انىقتالىپ جاتىر. وقيعا ورنىنا الماتى وبلىسى ت ج د ءورت سىناق زەرتحاناسى جىبەرىلدى» دەپ كورسەتىلگەن باسپا ءسوز قىزمەتىنىڭ حابارلاماسىندا.

اۆتور: سامال قابىشەۆا