شاڭدى داۋىل، جاڭبىر، نايزاعاي - بەيسەنبىگە ارنالعان اۋا رايى
ەلدىڭ سولتۇستىك، سولتۇستىك- باتىس، شىعىس بولىگى انتيتسيكلوننىڭ ىقپالىندا بولادى. ال رەسپۋبليكانىڭ باتىسى، وڭتۇستىگى، وڭتۇستىك- شىعىسى وڭتۇستىك سيكلون جىراسىنىڭ ىقپالى اسەر ەتەدى. مۇندا فرونتالدى بولىكتەردىڭ وتۋىمەن جاڭبىر جاۋادى.
رەسپۋبليكا بويىنشا جەلدىڭ كۇشەيۋى، سولتۇستىكتە، باتىستا، ورتالىقتا تۇمان، وڭتۇستىك- باتىستا شاڭدى داۋىل، وڭتۇستىگىندە، تاۋلى ايماقتاردا - نايزاعاي كۇتىلەدى. تۇندە جانە تاڭەرتەڭ اقمولا وبلىسىنىڭ وڭتۇستىگىندە تۇمان تۇسەدى.
كۇندىز الماتى وبلىسىنىڭ باتىسىندا، شىعىسىندا جەل 15-20, ەكپىنى 25 م/س كۇشەيەدى، باتىسىندا، وڭتۇستىگىندە جانە تاۋلى اۋداندارىندا نايزاعاي جارقىلدايدى.
تۇركىستان وبلىستىڭ وڭتۇستىگىندە جانە تاۋلى اۋداندارىندا جەل 15-20 م/س كۇشەيەدى، تاۋلى اۋداندارىندا نايزاعاي، داۋىل كۇتىلەدى.
باتىس قازاقستان وبلىسىنىڭ سولتۇستىگىندە تۇمان بولادى. تۇندە اتىراۋ وبلىسىنىڭ شىعىسىندا جەل 15-20 م/س كۇشەيەدى.
ماڭعىستاۋ وبلىسىنىڭ سولتۇستىك- شىعىسىندا جەل 15-20 م/س، كۇندىز شاڭدى داۋىل كۇتىلەدى. تۇندە اقتوبە وبلىسىنىڭ سولتۇستىك- شىعىسىندا كوكتايعاق بولۋى ىقتيمال.
قوستاناي وبلىسىنىڭ باتىسىندا، سولتۇستىگىندە جەل 15-20 م/س، كۇندىز ەكپىنى 23 م/س كۇشەيەدى، تۇندە جانە تاڭەرتەڭ وڭتۇستىك- باتىسىندا تۇمان تۇسەدى. تۇندە جانە تاڭەرتەڭ سولتۇستىك قازاقستان وبلىسىنىڭ وڭتۇستىگىندە تۇمان كۇتىلەدى، كۇندىز سولتۇستىگىندە، باتىسىندا جەل 15-20 م/س كۇشەيەدى.
تۇندە پاۆلودار وبلىسىنىڭ وڭتۇستىك- باتىسىندا تۇمان كۇتىلەدى. تۇندە جانە تاڭەرتەڭ قاراعاندى وبلىسىنىڭ سولتۇستىگىندە، ورتالىعىندا تۇمان، كۇندىز وڭتۇستىك- شىعىسىندا نايزاعاي جارقىلدايدى.
شىعىس قازاقستان وبلىسىنىڭ وڭتۇستىك- باتىسىندا جەل 15-18 م/س كۇشەيەدى. تۇندە جانە تاڭەرتەڭ جامبىل وبلىسىنىڭ وڭتۇستىك- باتىسىندا جانە تاۋلى اۋداندارىندا جەلدىڭ جىلدامدىعى 15-20, كەي ۋاقىتتا 25 م/س جەتەدى.