بالقاشتا جۇك پويىزى قاعىپ كەتكەن ايەل مەرت بولدى

None
None
بالقاش. قازاقپارات - قازا تاپقان ايەل بالقاش قالاسىنىڭ جۇمىسشى كەنتى ماڭىندا تەمىر جول بويىنان وتپەك بولعان. قازىر اتالعان فاكتى بويىنشا تەرگەۋ امالدارى جۇرگىزىلىپ جاتىر، دەپ حابارلايدى قازاقپارات ءتىلشىسى.

مارقۇم ايەل - بالقاش قالاسى جۇمىسشى كەنتىنىڭ تۇرعىنى. قايعىلى وقيعا كەنت پەن قالا اراسىنداعى ارالىقتا تەمىرجول بويىندا ورىن العان. قازا بولعان كەلىنشەك تەمىر جول بويىمەن ءوتىپ بارا جاتقاندا ونى جۇك پويىزى قاعىپ كەتكەن. الدىن الا مالىمەت بويىنشا، مارقۇمنىڭ ەستۋ قابىلەتىندە اقاۋ بولعان.

پويىز جۇرگىزۋشىسىنىڭ ايتۋىنشا، شۇعىل تەجەگىشتى باسقانىمەن قاقتىعىسقا جول بەرمەۋگە مۇمكىندىك بولماعان. ايەل العان جاراقاتىنان قايتىس بولدى.

«اتالعان فاكتى بويىنشا قاراعاندى- سۇرىپتاۋ ستانسياسىنداعى جەلىلىك پوليتسيا بولىمىندە ق ر ق ك 344-بابىنىڭ 2-بولىگى بويىنشا ءىس قوزعالدى. قازىرگى ۋاقىتتا ءىس بويىنشا ءتيىستى تەرگەۋ امالدارى جۇرگىزىلىپ جاتىر»، - دەپ حابارلادى كولىك پوليتسيا دەپارتامەنتىنىڭ باسپا ءسوز قىزمەتى.

سونداي- اق، ۆەدومستۆو تەرگەۋ اياقتالعانشا وزگە اقپاراتتى جاريا ەتۋگە بولمايتىنىن حابارلادى.

اۆتور: اگاتا مۋحامەدجانوۆا

سوڭعى جاڭالىقتار