جانىڭىزعا تىنىشتىق سىيلاعىڭىز كەلسە

None
None
نۇر- سۇلتان. قازاقپارات - ءومىر- وزەن دەپ اتالاتىن ءومىر جولىندا، قاربالاس تىرشىلىك پەن جۇمىستا دا ءتىپتى وزىمىزگە قاراۋعا مۇرشامىز كەلمەي جاتادى.

وسى جەردە «نە ءۇشىن؟» دەگەن سۇراق تۋىندايدى. ءوزىمىز بە، جوق الدە اقشاعا قۇنىعىپ كەتتىك پە؟ تەك جانىمىز جابىرقاعان ساتتە عانا ءوزىمىزدى ەسكە الىپ، كەيدە وزىمىزگە جانىمىز اشىپ، جىلاپ تا الاتىن ساتتەرىمىز وتە كوپ. نەگە ءبىر ساتكە بولسا دا جانىمىزعا تىنىشتىق سىيلاماسقا! ءسىز ءوزىڭىزدى ءبىر ساتكە بولسا دا تىنىشتىقتا سەزىنگىڭىز كەلە مە؟ وندا مىنا ايتىلعان كەڭەستەردى جادىڭىزدان شىعارماڭىز.

ءومىر ءسىزدى ءاردايىم قيىندىقتا دا، قۋانىشتا دا، سىن تۇرعىسىنان دا سىناپ وتەدى، ومىردە الدىڭىزعا كەلگەن قيىندىققا سىنىپ كەتپەڭىز. ءسىز ءوزىڭىزدى قاشان جالعىز سەزىندىڭىز جانە قاي ۋاقىتتا، قاي كۇنى ەسىڭىزگە ءتۇسىرىپ كورىڭىزشى. ۇيدە جالعىز قالعان ساتىڭىزدە ءوزىڭىزدىڭ ەشقاشان دا ەسىڭىزدەن كەتپەيتىن ءبىر قۋانىشتى ءساتىڭىزدى ەسىڭىزگە ءتۇسىرىپ كورىڭىز. جىلاعىڭىز كەلە مە، ايتا الماعان مۇڭىڭىز بار ما؟ وندا داۋىسىڭىزدى بارىنشا شىعارىپ ەگىلىپ جىلاپ الىڭىز، بۇل ءسىزدىڭ ىشكى جان دۇنيەڭىزگە دە پايدالى.

ەشقاشان ءوزىڭىزدى بىرەۋلەردىڭ الدىندا تومەن كورسەتپەڭىز جانە مەن بىلمەيمىن دەگەن ءسوزدى ايتپاۋعا تىرىسىڭىز. جالعىز قالعان ساتىڭىزدە ءوزىڭىزدىڭ جۇرەگىڭىزگە جاقىن اۋەندى تىڭداڭىز نەمەسە كوڭىل- كۇيىڭىزدى كوتەرەتىن تۇستەرگە قاراڭىز. ول ءتۇستى ءسىز نە ءۇشىن جاقسى كورەسىز؟ وزىڭىزگە ۇنامايتىن ىستەن اۋلاق ءجۇرىڭىز. بوس ۋاقىتىڭىز تابىلا قالسا، مىندەتتى تۇردە ءجاي عانا كوزىڭىزدى جۇمىپ، ءوزىڭىزدى بولاشاقتا قالاي ەلەستەتەسىز؟ ەگەر كۇندەلىك جازىپ جۇرسەڭىز، تەك جاقسى اڭگىمەلەرىڭىزدى جازىڭىز، وكىنىشتى ساتتەرىڭىزدى جازباۋعا تىرىسىڭىز، ويتكەنى ءسىز ونى وقىعان سايىن ءوزىڭىزدى كىنامشىلدىققا يتەرمەلەيسىز جانە وزىڭىزگە دەگەن سەنىمىڭىز جوعالادى. اسپانعا سوڭعى رەت قاشان قارادىڭىز؟ ءتىپتى ءسىز ءبىر ساتكە بولسا دا اسپانعا قاراپ ويلاندىڭىز با؟ ءوزىڭىز دوس تۇتىپ جۇرگەن نەمەسە سەنىپ جۇرگەن ادامىڭىز بولسا ايتىڭىز.

ءارقاشان ەرتە جاتىپ، ەرتە تۇرۋعا داعدىلانىڭىز، بۇل ءسىزدىڭ ءوزىڭىزدى جايلى سەزىنۋگە جانە كوڭىلدى جۇرۋىڭىزگە ىقپال جاسايدى. ومىردە كەزدەسكەن ءاربىر قيىندىعىڭىز بولاشاقتاعى جارقىن كۇندەردىڭ جەمىسى بولعاي. جانىڭىزعا تىنىشتىق سىيلاعىڭىز كەلسە، بارىنشا ادامدارعا مەيىرىمدى جانە كىشىگىرىم بولسا دا سىيلىق جاساۋعا تىرىسىڭىز. ەشقاشان ۋاقىتىڭىزدى قۇر جىبەرمەي ۇنەمى ادەمى كيىنىپ، جانىڭىزداعىلارعا قۋانىش سىيلاي ءبىلىڭىز.

دايىنداعان: پەداگوگ- پسيحولوگ قاناپايەۆا بالجان نۇرعالي قىزى

انابول سايتى



سوڭعى جاڭالىقتار