ۆلاديمير جيرينوۆسكي قايتىس بولدى
بۇل تۋرالى قازاقپارات تاسس- قا سىلتەمە جاساپ حابارلايدى.
«اۋىر جانە ۇزاققا سوزىلعان اۋرۋدان كەيىن ۆلاديميرجيرينوۆسكي دۇنيەدەن ءوتتى»، - دەپ جازدى ۆولودين. سونداي- اق رەسەي مەملەكەتتىك دۋماسىنىڭ دەپۋتاتتارى قايتىس بولعان ارىپتەسىن ءبىر مينۋت ۇنسىزدىكپەن ەسكە العان.
ەسكە سالا كەتسەك، 25- ناۋرىزدا ب ا ق بەتتەرىندە ۆلاديمير جيرينوۆسكيدىڭ كوز جۇمعانى تۋرالى اقپارات جاريالانعان ەدى. كەيىن رەسەيدىڭ دەنساۋلىق ساقتاۋ مينيسترلىگى بۇل اقپاراتتى جوققا شىعارعان بولاتىن.
جيرينوۆسكي رەسەيدەگى پرەزيدەنت سايلاۋىنا التى رەت كانديدات بولعان. ساياساتكەر اسىرە ۇلتشىلدىعىمەن قوعامعا تانىلعان. ول 2005 -جىلى «ەحو موسكۆى» راديوسىنا بەرگەن سۇقباتىندا قازاق مەملەكەتتىگىنىڭ بولعانىن ءۇزىلدى- كەسىلدى تۇردە جوققا شىعارعان ەدى. ول «قازاقستانمەن اراداعى شەكارا - ەڭ ءبىر تۇسىنىكسىز شەكارا. پولشا، فينليانديا - تاريحي قالىپتاسقان مەملەكەتتەر. ال قازاقستان... ادامزات تاريحىندا ەشقاشان دا مۇنداي مەملەكەت بولماعان» دەگەن. جيرينوۆسكي الماتى قالاسىنىڭ تۋماسى. ول 75 جاستا. اقپان ايىنان باستاپ كوروناۆيرۋستان ەمدەلىپ جاتقان بولاتىن.
