رەسەيدىڭ «بايقوڭىر» ايلاعىنداعى جوسپارلارى وزگەرگەن جوق - باعدات مۋسين

نۇر- سۇلتان. قازاقپارات - ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين «بايقوڭىر» عارىش ايلاعىندا رەسەي تاراپىمەن ارىپتەستىككە قاتىستى جاعدايدى ءتۇسىندىردى، دەپ حابارلايدى قازاقپارات ءتىلشىسى.

بۇگىن ءماجىلىستىڭ جالپى وتىرىسىنان كەيىن تىلشىلەر مينيستردەن «بايقوڭىر» عارىش ايلاعىن جالعا الۋدان رەسەيدىڭ باس تارتۋى مۇمكىندىگىنە قاتىستى سۇراق قويدى.

«كەشە روگوزين مىرزا («روس كوسموس» باسشىسى دميتريي روگوزين) جوسپارلار وزگەرمەگەنىن ايتتى. ولار قازاقستانمەن ارادا جوسپارلانعان بارلىق عارىش باعدارلامالارىن دامىتاتىنىن جاريالادى. اتاپ ايتقاندا، رەسەيلىك ارىپتەستەرمەن كەلىسسوزدەر الداعى ۋاقىتتا بولادى دەپ جوسپارلانىپ وتىر. سەبەبى ءتيىستى وزگەرىستەر بولىپ جاتىر»، - دەدى ب. مۋسين تىلشىلەر ساۋالىنا جاۋاپ بەرە وتىرىپ.

وسى ورايدا مينيستر 15-20- ءساۋىر كەزىندە ءبىرقاتار ماسەلە بويىنشا رەسەيلىكتەرمەن كەلىسسوزدەر جوسپارلانعانىن ايتتى. ونىڭ ىشىندە تاياۋ جىلدارعا ارنالعان پەرسپەكتيۆالى جوبالار قارالادى. سونىمەن قاتار باعدات مۋسين «بايقوڭىر» عارىش ايلاعىن جالعا العانى ءۇشىن رەسەي جاعى قانشا قارجى تولەپ جاتقانىن اتاپ ءوتتى.

«جىلىنا 100 ميلليون ا ق ش دوللارىنان استام قاراجات ەسكەرىلگەن. شارت 2050 -جىلعا دەيىن بەكىتىلگەن»، - دەدى ۆەدومستۆو باسشىسى.

اۆتور: رۋسلان عابباسوۆ