ق ر د س م ۋكراينادان ءدارى جەتكىزۋشىلەرمەن كەلىسىمشارتتاردىڭ كۇشىن جويادى
بۇل تۋرالى ۆەدومستۆو باسشىسى اجار عينيات ءماجىلىستىڭ جالپى وتىرىسىندا دەپۋتات ساۋالىنا بەرگەن جاۋابىندا ايتتى.
«بىزگە ءومىرى ۇدايى ءدارى ءىشىپ تۇرۋعا تاۋەلدى ادامدار جۇگىنىپ جاتىر. دەنساۋلىق ساقتاۋ مينيسترلىگى ۋكراينادان ءدارى كەلۋ بويىنشا پروبلەمالارعا تاپ كەلىپ وتىر. بۇل ەلدەن 25 ءتۇرلى ءدارى- دارمەك ساتىپ الىنادى. تاعى ءبىر ماسەلە بار. وزىمىزدەگى ءدارى ءوندىرىسى كەيبىر قۇرامدىق بولشەكتەر مەن لوگيستيكا بويىنشا يمپورتقا تاۋەلدى. وسىنىڭ سالدارىنان ءدارىنىڭ وزىندىك قۇنى ارتىپ وتىر. مەديتسنا مەكەمەلەرى ءدارى-دارمەك پەن مەديتسينالىق بۇيىمدار ساتىپ الۋ كەزىندە شپريتستەر، كاتەترلار مەن وزگە دە العاشقى كەزەكتە قاجەتتى تاۋارلار تاپشىلىعىنا تاپ بولىپ وتىر. ال ۇكىمەت ۇزاق مەرزىمگە جەتەتىن قورىمىز بار دەيدى. كەي وڭىرلەردە ءتىپتى «س ق- فارماتسيانىڭ» قويمالارى دا جوق بولسا، قور قالاي جەتكىلىكتى بولادى؟ ناۋقاستارعا ءدارى- دارمەكتى قالايشا ۇزدىكسىز جەتكىزبەكشىسىزدەر»، - دەدى ءماجىلىس دەپۋتاتى زارينا كاماسوۆا. دەنساۋلىق ساقتاۋ ءمنيسترى اجار عينيات بۇل پروبلەما ۆەدومستۆونىڭ ۇدايى نازارىندا ەكەنىن ايتتى.
«گەوساياسي احۋال وتە كۇردەلى بولىپ تۇر. بيىلعا قاجەت ءدارى مەن مەديتسينالىق بۇيىمداردى ساتىپ الۋ بويىنشا بىلتىر كونكۋرس وتكىزگەن بولاتىنبىز. قاجەت دارىلەردىڭ 94 پايىزىن ساتىپ الدىق. بۇگىندە ول دارىلەردىڭ 50 پايىزى «س ق-فارماتسيا» قويمالارى مەن حابتارىنا جەتكىزىلگەن. جىل اياعىنا دەيىن ناۋقاستارعا قاجەت ءدارى بار. ۋكرايناعا كەلسەك، بۇل كولەمنىڭ %1,6 ى نەمەسە دارىلىك پرەپاراتتاردىڭ 25 ءتۇرى وسى ەلدەن اكەلىنەدى. جىل باسىنان بەرى سونىڭ 40-تان 70 پايىزىنا دەيىن جەتكىزدىك. بۇگىندە زاۋىتتار جابىق تۇر. سوندىقتان ءبىرجاقتى نەگىزدە كەلىسىمشارتتاردى توقتاتامىز. قالعان كولەم بويىنشا قايتادان كونكۋرس جاريالايمىز. بۇل جۇمىستاردى 1-شىلدەگە دەيىن اياقتاپ، دارىلىك زاتتارمەن قامتامسىز ەتەمىز»، - دەدى ۆەدومستۆو باسشىسى.
ەسكە سالساق، بۇگىن پرەمەر-ءمينيستردىڭ ورىنباسارى ەرالى توعجانوۆ ءماجىلىس دەپۋتاتتارىنا ينفلياتسيانى تەجەۋ باعىتىنداعى شارالار تۋرالى مالىمەت بەردى. ونىڭ مالىمەتى بويىنشا، بيىل زەينەتاقى مەن جاردەماقىنى يندەكستەۋگە قوسىمشا 111 ميلليارد تەڭگە بولىنەدى.
