الماتىدا لاڭكەستىككە قارسى وقۋ- جاتتىعۋ ءوتىپ جاتىر
الماتى قالاسىنىڭ لاڭكەستىككە قارسى كۇرەس بويىنشا جەدەل شتابىنىڭ مالىمەتىنشە، وقۋ- جاتتىعۋدىڭ ماقساتى - ادامدار كوپ جينالاتىن جەرلەردە لاڭكەستىك سيپاتتاعى قاۋىپ- قاتەر تۋىنداعان جاعدايدا ءوزارا ءىس- قيمىل جاساۋ داعدىلارىن پىسىقتاۋ. جاتتىعۋ مىندەتتەرى لاڭكەستىك اكتىسىنىڭ جولىن كەسۋ مەحانيزمىن جەتىلدىرۋگە باعىتتالعان.
«وقۋ- جاتتىعۋلاردى وتكىزۋ كەزەڭىندە شەكتەۋ شارالارى بولاتىنىن حابارلايمىز. وسىعان بايلانىستى، ازاماتتاردى وتكىزىلەتىن ءىس- شارالارعا تۇسىنىستىكپەن قاراۋعا، قاۋىپسىزدىك شارالارىن ساقتاۋعا جانە وقۋ- جاتتىعۋ وتكىزۋگە تارتىلعان مەملەكەتتىك ورگاندار قىزمەتشىلەرىنىڭ زاڭدى تالاپتارىن ورىنداۋعا شاقىرامىز. «اكىمشىلىك قۇقىق بۇزۋشىلىق تۋرالى» ق ر كودەكسىنىڭ 443-بابىنا سايكەس، قوعامدىق ءتارتىپتى قامتاماسىز ەتۋگە قاتىسۋشى تۇلعانىڭ زاڭدى تالابىنا باعىنباۋ اكىمشىلىك جاۋاپكەرشىلىككە اكەلەتىنىن ەسكەرتەمىز»، - دەپ حابارلادى جەدەل شتابتىڭ وكىلدەرى.
