ەلوردانىڭ كارىز جەلىلەرى نوسەر جاۋىنعا توتەپ بەرە الا ما

None
نۇر-سۇلتان. قازاقپارات - نۇر-سۇلتان قالاسىنداعى كارىز جەلىلەرىنىڭ نوسەر جاۋىنعا توتەپ بەرۋ جايى تۋرالى ايتىلدى، دەپ حابارلايدى قازاقپارات ءتىلشىسى.

«قالا بويىنشا 22 تازارتۋ قۇرىلعىسى بار. ونىڭ 13 ءى جۇمىس جاعدايىندا، قالعان 9 ى رەزەرۆتە نەمەسە قايتا جوندەۋدەن ءوتىپ جاتىر. بۇگىنگى كۇنى بۇل جۇمىسقا قاتىستى پروبلەما جوق. دەگەنمەن تۇران داڭعىلى بويىنداعى تازارتۋ قۇرىلعىسىن سۋ شايۋ ءقاۋپى بولعان. اتالعان ماسەلەنى شەشۋ ءۇشىن اكىمدىك قوسىمشا سۋ سورعىسىن ورناتتى. سوندىقتان وسى كوكتەمدە اتالعان داڭعىلدى سۋ شايۋ قاۋپى جوق دەگەن سەنىمدەمىز»، - دەدى قالالىق ت ج د توتەنشە جاعدايلاردىڭ الدىن الۋ باسقارماسىنىڭ باسشىسى باۋىرجان بەيسەنقانوۆ ەلوردا اكىمدىگىندە ونلاين وتكەن باسپا ءسوز ءماسليحاتىندا.

بۇعان دەيىن ت ج د وكىلى ەلوردادا سۋ باسۋى مۇمكىن ۋچاسكەلەردى اتاپ بەردى.

«سۋ تاسقىنى جاعدايى ماسەلەسى ەرەكشە باقىلاۋدا. توتەنشە جاعدايدىڭ الدىن الۋ ءۇشىن 1- ساۋىردە قالالىق جەدەل شتاب قۇرىلدى. سونىمەن قاتار اۋداندىق اكىمدىكتەردە سۋ تاسقىنىنا قارسى كوميسسيالار جۇمىس ىستەيدى، قار، ارىق جانە نوسەر جەلىلەرىن تازالاۋ بويىنشا كەڭ اۋقىمدى پروفيلاكتيكالىق جۇمىس ءجۇرىپ جاتىر. 4- ساۋىردەگى جاعداي بويىنشا قالادا جالپى ۇزىندىعى 53,7 شاقىرىم بولاتىن ارىق تازالاندى. قازىرگى ۋاقىتتا ەلوردا اۋماعىندا سۋ تاسۋى مۇمكىن دەگەن 25 ۋچاسكە بەلگىلەندى»، - دەپ ءتۇسىندىردى سپيكەر.

سونداي-اق، اكىمدىك وتكىزگەن بريفينگتە قالا اۋماعىنان 4,5 ميلليون تەكشە مەتردەن استام قار شىعارىلعانى ايتىلدى.

سوڭعى جاڭالىقتار