تايلاندتاعى تۋرنير: قازاقستاندىق جەتى بوكسشى جارتىلاي فينالعا شىقتى

نۇر-سۇلتان. قازاقپارات - تايلاندتىڭ پحۋكەت قالاسىندا قالاسىندا ءوتىپ جاتقان Thailand Open-2022 تۋرنيرىندە ازىرگە جەتى بوكسشى جارتىلاي فينالعا جولداما الدى، دەپ حابارلايدى قازاقپارات ءتىلشىسى.

كەشكى سەسسيادا ءساناتالي تولتايەۆ پەن سۇلتان مۋسينوۆ ( ەكەۋى دە 63 كەلى)، اسلانبەك شىمبەرگەنوۆ (69 كەلى) شيرەك فينالدا سۇرىنگەن جوق. وسىلايشا ولار جارتىلاي فينال جولداماسىن جەتەۋگە جەتكىزدى.

ايتا كەتسەك، بۇگىن تاعى ءۇش جولداماعا اياتۋللا تاكىجانوۆ (75 كەلى)، ساعىندىق توعامباي جانە ايبەك ورالباي (ەكەۋى دە 91 كەلى) يە بولعان ەدى. ال تايلاندتاعى تۋرنيردە قازاقستاندىق تاعى ءبىر بوكسشى نۇربەك ورالباي بىردەن جارتىلاي فينالعا شىعىپ، جۇلدەگەر اتانۋعا مۇمكىندىك الدى.

سونداي-اق، ەل قۇراماسىنان تيمۋر نۇرسەيىتوۆ (75 كەلى) شيرەك فينالدا جارىس جولىنان شىعىپ قالدى.

ەندى ەل قۇراماسىنان ساكەن بيبوسىنوۆ (52 كەلى) پەن سەرىك تەمىرجانوۆ (57 كەلى) شيرەك فينالدىق جەكپە-جەگىن وتكىزەدى.