ەلوردادا جەرگە كەزەككە تۇرۋ جانە كەزەكتى باقىلاپ وتىرۋ ونلاين جاسالادى

نۇر- سۇلتان. قازاقپارات - نۇر- سۇلتان قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ تاعى ءبىر مەملەكەتتىك قىزمەتى اۆتوماتتاندىرىلدى، دەپ حابارلايدى قازاقپارات.

جەكە تۇرعىن ءۇي قۇرىلىسى ءۇشىن جەر ۋچاسكەسىن الۋ ءۇشىن كەزەككە قويۋ، سونداي- اق كەزەكتى egov.kz ەلەكتروندىق ۇكىمەت پورتالىندا قاراپ وتىرۋعا بولادى.

باسقارما تاراتقان مالىمەتكە قاراعاندا كەزەككە قويۋعا ءوتىنىش بەرۋ ءۇشىن ەلەكتروندىق سيفرلىق قولتاڭبا بولۋى كەرەك. وسىلايشا، ۇيدەن شىقپاي- اق جەكە تۇرعىن ءۇي قۇرىلىسىنا (10 سوتىق) جەر ۋچاسكەسىن الۋ ءۇشىن كەزەككە قويۋ جانە كەزەگىن قاراۋ اۆتوماتتاندىرىلدى. وسى ۋاقىتقا دەيىن بۇل مەملەكەتتىك قىزمەتتى الۋ ءۇشىن باسقارماعا جۇگىنىپ، ءوتىنىش بەرۋ قاجەت بولاتىن.