17:25, 05 - ءساۋىر 2022 | GMT +6
قازاقستان مۇناي ءوندىرۋ كولەمىن قىسقارتادى
نۇر- سۇلتان. قازاقپارات - قازاقستان 2022 -جىلى مۇناي ءوندىرۋ كولەمىن قىسقارتادى. بۇل جايىندا ق ر ۇلتتىق ەكونوميكا ءمينيسترى الىبەك قۋانتىروۆ ايتتى، دەپ حابارلايدى قازاقپارات ءتىلشىسى.
«2 ميلليون باررەلگە ازداعان تومەندەۋ بار. بارلىعى 85,7 ميلليون باررەل نەگىزى. ءبىراق ونىڭ ورنى مۇناي باعاسىنىڭ قىمباتتىعى ەسەبىنەن تولتىرىلادى»، - دەدى الىبەك قۋانتىروۆ.
سونداي- اق، ول ۇلتتىق قوردان كەپىلدەندىرىلگەن ترانسفەرتتى ناقتىلاۋ نە ءۇشىن قاجەت بولعانىن ءتۇسىندىردى. ءمينيستردىڭ ايتۋىنشا، ناقتىلانعان بيۋدجەت جوباسىندا زەينەتاقى مەن جاردەماقى كولەمىن ينفلياتسياعا ساي 9 پايىز مولشەرىندە يندەكستەۋ كوزدەلگەن.
«ءبىز ينفلياتسيا دەڭگەيىن 8-10 پايىز كولەمىندە دەپ الدىق. سوندا زەينەتاقى مەن جاردەماقى مولشەرى شامامەن 9 پايىز يندەكستەلەدى»، - دەدى مينيستر.
اۆتور: ەسىمجان ناقتىباي