قازاقستاندا ازىق- تۇلىك يمپورتىنىڭ جاڭا رەكوردى تىركەلدى

None
None
نۇر- سۇلتان. قازاقپارات - قازاقستاندا ازىق- تۇلىك يمپورتىنىڭ جاڭا رەكوردى تىركەلدى. بۇل تۋرالى «اتامەكەن» ۇ ك پ اگروونەركاسىپ كەشەنى جانە تاماق ونەركاسىبى دەپارتامەنتىنىڭ ديرەكتورى ەربول ەسەنەيەۆ ءمالىم ەتتى، دەپ حابارلايدى قازاقپارات ءتىلشىسى.

«سوڭعى جىلى يمپورت بويىنشا انتيرەكورد تىركەلدى. ستاتيستيكانىڭ قورىتىندى ەسەبى مامىرعا قاراي دايىن بولادى. دەگەنمەن، قازىردىڭ وزىندە 4,9 ميلليارد دوللاردىڭ ازىق- تۇلىگىنىڭ جەتكىزىلگەنىن كورىپ وتىرمىز. ارينە، سىرتقى فاكتورلارعا وسىلاي تاۋەلدى بولعان كەزدە «بولاشاقتا ءوزىمىزدى ازىق- تۇلىكپەن قالاي قامتاماسىز ەتەمىز، نەمەن قورەكتەنەمىز؟» دەگەن ساۋال وتكىر بولا تۇسەدى»، - دەدى ول.

ونىڭ اتاپ وتۋىنشە، وتكەن جىلى ەلىمىزگە اكەلىنگەن ازىق- تۇلىك ونىمدەردىڭ جارتىسىنان كوبى رەسەيگە تيەسىلى. تەك قانا 300 ميلليون دوللارعا كونفەت پەن پەچەنە، 200 ميلليون دوللارعا قانت يمپورتتاپ وتىرمىز.

ال «قازاقستان ماي- توڭماي وداعى» قاۋىمداستىعىنىڭ پرەزيدەنتى كونستانتين نيەۆزوروۆتىڭ دەرەگىنشە، بۇگىندە ەلىمىزدە تاماق سەكتورىندا 2,5 مىڭ كاسىپورىن جۇمىس ىستەيدى. 2021 -جىلى ولار 2,2 تريلليون تەڭگەدەن استام سوماعا ازىق- تۇلىك ونىمدەرىن شىعارعان. وسى ورايدا «اتامەكەن» ۇ ك پ وتاندىق ازىق- تۇلىك ونىمدەرىن وندىرۋشىلەرگە قولايلى جاعداي جاساۋ قاجەتتىگىن العا جارتادى. ونىڭ ىشىندە ىشكى نارىقتى قورعاۋ ءۇشىن ەرەكشە جاعداي جاساۋ، ەكسپورتتى دامىتۋ، ءىرى ساۋدا جەلىلەرىن وتاندىق ازىق- تۇلىك ونىمدەرىن قولداۋعا جۇمىلدىرۋ جانە ەل ازاماتتارىنا قازاقستاندىق ونىمدەردى تاڭداۋدى ناسيحاتتاۋ كەرەك.

اۆتور: مارلان جيەمباي

سوڭعى جاڭالىقتار