بۋرابايدا قاتتى جىلدامدىقپەن جۇيتكىگەن كولىك اعاشقا سوعىلدى - ۆيدەو

كوكشەتاۋ. قازاقپارات - بۋرابايدا قاتتى جىلدامدىقپەن جۇيىتكىگەن جەڭىل كولىك اعاشقا سوعىلىپ، ورتەنىپ كەتتى، دەپ حابارلايدى قازاقپارات ءتىلشىسى.

اقمولا وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، جول اپاتى 4-ساۋىردە كەشكى ساعات 19:00 شاماسىندا «شۋچە- بۋراباي» تاس جولىنىڭ 14-شاقىرىمىندا بولعان. «انىقتالعانداي، بۋراباي اۋدانىنىڭ 57 جاستاعى تۇرعىنى «اۋدي» كولىگىمەن شۋچينسك باعىتىندا ءجۇرىپ بارا جاتىپ، جولدىڭ بۇرلىسىندا كولىكتى باسقارا الماي اعاشقا سوعىلدى. سالدارىنان جۇرگىزۋشى «تەرميالىق كۇيىك» دياگنوزىمەن اۋرۋحاناعا جەتكىزىلدى. قازىرگى كەزدە پوليتسيا جول اپاتىنىڭ ءمان-جايىن انىقتاۋدا»، - دەپ ءتۇسىندىردى قازاقپارات ءتىلشىسىنىڭ ساۋالىنا پ د باسپا ءسوز قىزمەتىنەن.

ايتا كەتسەك، اتالمىش جول اپاتى تۋرالى بەينەجازبا الەۋمەتتىك جەلىدە تاراعان بولاتىن.

اۆتور: اسلان وسپانوۆ