وسكەمەندە ونكولوگ- ماماندار اپتا بويى تەگىن قابىلداۋ وتكىزەدى

None
None
وسكەمەن. قازاقپارات - شىعىس قازاقستان وبلىسىندا 4-8-ءساۋىر ارالىعىندا «دەنساۋلىق اپتالىعى» جاريالاندى، دەپ حابارلايدى قازاقپارات ءتىلشىسى.

7-ساۋىردە اتالىپ وتىلەتىن دۇنيەجۇزىلىك دەنساۋلىق كۇنىنە وراي ءوڭىر بويىنشا «دەنساۋلىق اپتالىعى» باستالدى. 4-8-ءساۋىرى ارالىعىندا شقو كوپسالالى ونكولوگيا جانە حيرۋرگيا ورتالىعىندا تۇرعىندار ەش اقىسىز قارالا الادى. ول ءۇشىن الدىن الا جازىلۋ جانە دارىگەر جولداماسى قاجەت ەمەس.

«قابىلداۋدى ونكولوگيالىق ديسپانسەردىڭ جوعارى بىلىكتى دارىگەرلەرى، اتاپ ايتقاندا، ونكولوگ، ابدومينالدى جانە توراكالدى حيرۋرگتار، ماممولوگ، ۋرولوگ، گينەكولوگ- ماماندار جۇرگىزەدى. نيەت بىلدىرۋشىلەر ساعات 14:00-دەن باستاپ 17:00-گە دەيىن كەلە الادى»، - دەلىنگەن ورتالىقتىڭ باسپا ءسوز قىزمەتى تاراتقان اقپاراتتا.

ايتا كەتەيىك، مەديتسينالىق مەكەمەنىڭ مەكەنجايى وسكەمەن قالاسى، پوتانين كوشەسى، 6، 1-كورپۋس. قانداي دا ءبىر سۇراقتار بولسا 87232489151, 87780037845 تەلەفون نومىرلەرىنە حابارلاسۋعا بولادى.


سوڭعى جاڭالىقتار