نۇر- سۇلتان مەن قوسشىدان كەلەتىن قوقىس: مينيسترلىك زاڭسىز پوليگونعا تۇسىنىك بەردى

نۇر- سۇلتان. قازاقپارات - اقمولا وبلىسى قوسشى قالاسىنىڭ تايتوبە كەنتى ماڭىندا پايدا بولعان ستيحيالىق قوقىس ۇيىندىلەرى جويىلادى، دەپ حابارلايدى قازاقپارات ق ر ەكولوگيا، گەولوگيا جانە تابيعي رەسۋرستار مينيسترلىگىنە سىلتەمە جاساپ

ۆەدومستۆو وكىلدەرى وسى ماسەلەگە بايلانىستى تۇرعىندارمەن كەزدەسۋ وتكىزدى. وعان ءماجىلىس دەپۋتاتتارى قاتىستى. كەنت تۇرعىندارى سەلينوگراد اۋدانى اۋماعىندا زاڭداستىرىلعان پوليگوننىڭ جوقتىعىنا الاڭداۋلى. ولار نۇر- سۇلتان مەن قوسشى قالالارىنان شىعارىلاتىن تۇرمىستىق قاتتى قالدىقتاردىڭ ەلدى مەكەن ماڭىنا رۇقساتسىز توگىلىپ جاتقانىن العا تارتادى. مۇنداي قوقىستاردان ءورت شىعۋى مۇمكىن ەكەنىنە، قورشاعان ورتاعا كەرى اسەرى بارىنا نارازى.

ءمالىم ەتىلگەنىندەي، ەكولوگيا مينيسترلىگى جوسپار كەستەسىن بەكىتكەن. سوعان سايكەس جەرگىلىكتى اكىمدىك ستيحيالىق قوقىس ورىندارىن جويۋى كەرەك. اۋدان اكىمدىگىنەن تايتوبە كەنتىنىڭ جانىنداعى قوقىس ورنىن رەتكە كەلتىرۋگە 100 ميلليون تەڭگەدەن استام قاراجات بولىنگەن. جوبا بويىنشا ءتيىستى جۇمىستار جۇرگىزىلىپ، اۋماقتا شلاگباۋم جانە بەينەباقىلاۋ كامەرالارى ورناتىلادى.

ايتا كەتسەك، «قازاقستان عارىش ساپارى» ا ق سۋرەتتەرىنە سايكەس، اۋدان اۋماعىنان وتكەن جىلى 316 رۇقساتسىز قوقىس ءۇيىندىسى انىقتالىپ، ونىڭ %65 استامى جويىلعان.