الماتىدا قۇرىلىس الاڭىندا كران قۇلادى
ونىڭ ۆيدەوسى الەۋمەتتىك جەلىدە تارادى.
الماتى قالالىق ونەركاسىپتىك قاۋىپسىزدىك دەپارتامەنتىنىڭ مالىمەتىنشە، توتەنشە جاعداي تۇركسىب اۋدانىندا بولعان.
«جاس قانات» شاعىناۋدانىندا ورنالاسقان «رەمبۋس» ج ش س قۇرىلىس وبەكتىسىندە سالىنىپ جاتقان 9 قاباتتى عيماراتتىڭ پارابەتىنە ك ب-308 رەلستى مۇنارا كرانى قۇلادى. قازا بولعاندار مەن زارداپ شەككەندەر جوق. كراننىڭ مەنشىك يەسى - «ك ب ك» ج ك. شارت بويىنشا كران «مەليوراتور» ج ش س- نە جالعا بەرىلدى. دەپارتامەنت تاراتقان مالىمەتكە سايكەس، بىلتىر ناۋرىز ايىندا «جەتىسۋ ونەركاسىپتىك قاۋىپسىزدىك» ج ش س كراننىڭ مۇمكىندىگىن، ونى ودان ءارى پايدالانۋدى انىقتاۋعا ساراپتاما جۇرگىزگەن.
«ءسويتىپ، كراندى پايدالانۋ مەرزىمى 2023-جىلدىڭ ناۋرىزىنا دەيىن ۇزارتىلدى. بيىلعى 11- اقپاندا «مەليوراتور» ج ش س حاتىنا سايكەس كراندى ق ر ت ج م ونەركاسىپتىك قاۋىپسىزدىك كوميتەتىنىڭ الماتى قالاسى بويىنشا دەپارتامەنتىنىڭ مامانى ىسكە قوستى. قازىرگى ۋاقىتتا دەپارتامەنتتە مۇنارا كرانىنىڭ قۇلاۋىن تەكسەرۋ جونىندەگى كوميسسيا قۇرىلدى. تەرگەۋ ناتيجەسىن قوسىمشا حابارلايمىز»، - دەپ اتاپ ءوتتى ۆەدومستۆادان.
ەسكە سالايىق، قاڭتار ايىندا «تاۋگۇل-1» شاعىناۋدانىندا قۇرىلىس كرانى قۇلاپ، ءبىر ادام قازا تاپقان بولاتىن.