قازاقستانعا قۇيىلعان شەتەلدىك ينۆەستيتسيالار كولەمى پاندەمياعا دەيىنگى دەڭگەيگە ورالدى
وسىلايشا، 2021-جىلدىڭ قورىتىندىسى بويىنشا، ەلىمىزگە تارتىلعان تىكەلەي شەتەلدىك ينۆەستيتسيالاردىڭ جالپى اعىنى 23,7 ميلليارد ا ق ش دوللارىنا جەتىپ، كورسەتكىش 2020-جىلمەن سالىستىرعاندا %37,7 عا وسكەن (17,2 ميلليارد ا ق ش دوللارى) قازاقستان ەكونوميكاسىنا ەڭ كوپ ينۆەستيتسيا سالعان مەملەكەتتەردىڭ ۇزدىك بەستىگى وزگەرىسسىز قالدى.
نيدەرلاند، ا ق ش، شۆەيتساريا، رەسەي جانە قىتاي %25 دان %92 عا دەيىن وسىمىمەن كوش باسىندا.
اتالعان ەلدەردىڭ ۇلەسى ەلگە تارتىلعان بارلىق ينۆەستيتسيالاردىڭ جالپى كولەمىنىڭ %68,3 ىن قۇرايدى. ۇزدىك وندىقتاعى قالعان بەس ەل: بەلگيا، ۇلى بريتانيا، كورەيا رەسپۋبليكاسى، تۇركيا، فرانسيا.
ايتا كەتۋ كەرەك، اۋىل، ورمان جانە بالىق شارۋاشىلىعىنا ينۆەستيتسيالىق سالىمدار 2,8 ەسەگە، كاسىبي، عىلىمي-تەحنيكالىق قىزمەت سالاسىنا 2,6 ەسەگە، اقپارات پەن بايلانىس سالاسىنا %80,1 عا، ال ەلەكترمەن جابدىقتاۋ سالاسىنا %68,3 عا ۇلعايىپ وتىر.
وڭدەۋ ونەركاسىبى دە ەداۋىر ءوسىم كورسەتتى. بۇل سالاعا 2020-جىلمەن سالىستىرعاندا ينۆەستيتسيا 2 ميلليارد ا ق ش دوللارىنا ارتىق قۇيىلىپ، %65,4 عا ارتتى. شەتەلدىك كاپيتال اعىنىن ۇلعايتۋعا ينۆەستيتسيالىق جوبالار پۋلى مەن «ق ر ەلشىلىكتەرى - ورتالىق مەملەكەتتىك ورگاندار - ايماقتىق اكىمشىلىكتەر» ءۇش دەڭگەيلى جۇيەسىنىڭ ءساتتى جۇزەگە اسىرىلۋى ناتيجەسىندە قول جەتكىزىلىپ وتىر. سونداي-اق، سىرتقى ىستەر مينيسترلىگىنىڭ بولجامى بويىنشا، 2021-جىلى 19 ميلليارد ا ق ش دوللارىنان استام شەتەلدىك ينۆەستيتسيا تارتىلادى.
ەسكە سالساق، StandardPoor's حالىقارالىق اگەنتتىگى قازاقستاننىڭ تاۋەلسىز كرەديت رەيتينگىن «BBB- /A -3» دەڭگەيىندە راستاپ، بولجام «تۇراقتى» دەپ جاريالاعان بولاتىن.
