18:56, 04 - ءساۋىر 2022 | GMT +5
الماتىدا دارىگەردى بۇرىنعى پاتسيەنتى اتىپ ولتىرگەن - پوليتسيا
الماتى. قازاقپارات - الماتىدا اڭ اۋلايتىن قارۋدان اتىپ ولتىرىلگەن ەر ادام گاستروەنتەرولوگ دارىگەر يۋريي شۋمكوۆ بولىپ شىقتى. ودان بۇرىنعى ەمدەلۋشىسى كەك الماق بولعان، دەپ حابارلايدى قازاقپارات ءتىلشىسى.
بۇل اقپاراتتى الماتى قالالىق پوليتسياسى راستادى. «كىسى قولىنان قازا تاپقان ادام - گاستروەنتەرولوگ يۋريي شۋمكوۆ. پوليتسەيلەردىڭ جۇمىس نۇسقالارىنىڭ بىرىنە سايكەس، قىلمىستى ونىڭ ەمدەلۋشى پاتسيەنتى جاساۋى مۇمكىن»، - دەپ حابارلادى الماتى قالالىق پوليتسيا دەپارتامەنتىنىڭ باسپا ءسوز قىزمەتى.
ايتا كەتەيىك، اسا اۋىر قىلمىس بۇگىن تاڭەرتەڭ قالانىڭ بوستاندىق اۋدانىندا بولعان. 1975 -جىلى تۋعان ش. ەسىمدى ازامات كىسى قولىنان قازا تاپتى. وعان بىرەۋ اڭ اۋلايتىن مىلتىقتان وق اتقان. بۇل قىلمىس بىردەن اشىلدى. كۇدىكتى قالادا ەنگىزىلگەن ارنايى جوسپار بارىسىندا الماتى قالاسى الاتاۋ اۋدانى اۋماعىندا ۇستالدى.
اۆتور: الما مۇقانوۆا
