باس پروكۋراتۋرا: الماتى اكىمدىگىن قورعاعان قارۋسىز پودپولكوۆنيكتى ازاپتاپ ولتىرگەن

نۇر- سۇلتان. قازاقپارات - قاڭتار وقيعاسى كەزىندە الماتى اكىمدىگىن قورعاپ، زورلىقپەن ولتىرىلگەن قارۋسىز پودپولكوۆنيكتىڭ دەنەسىن قىلمىسكەرلەر ورتەپ جىبەرگەن.

ق ر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ورتالىق كوممۋنيكاتسيالار قىزمەتىندە وتكەن بريفينگىدە وسىنداي مالىمەت ايتتى، دەپ حابارلايدى قازاقپارات ءتىلشىسى.

«ادامداردىڭ قازا بولۋ فاكتىلەرى بويىنشا تەرگەۋ جالعاسىپ جاتىر. وسى ۋاقىتقا دەيىن الماتى قالاسىندا، الماتى، جامبىل جانە قىزىلوردا وبلىستارىندا قوعامدىق ءتارتىپتى ساقتاۋ ءۇشىن قىزمەتتىك بورىشىن ورىنداۋ كەزىندە ەرلىكپەن قازاقتاپقان 19 قىزمەتتەگى جانە بولاشاق وفيتسەرلەردىڭ قازا بولۋ فاكتىلەرى انىقتالدى. ماسەلەن، الماتى قالاسى اكىمدىگىنىڭ عيماراتىن كۇزەتۋگە قاتىسقان قارۋسىز اسكەري قىزمەتشى پودپولكوۆنيك حايىروۆتىڭ ءولىمى كەزىندە ەرەكشە سينيزم كورىنىس تاپتى»، - دەدى ەلدوس قيلىمبايەۆ.

ايتۋىنشا، ونىڭ دەنەسى عيماراتتىڭ توبەسىنەن تابىلعان. «تەرگەۋ كورسەتكەندەي، زورلىق- زومبىلىقپەن ولگەننەن كەيىن قىلمىسكەرلەر ايعاقتاردى جاسىرۋ ءۇشىن ءمايىتتى ورتەپ جىبەرگەن. 39 جاستاعى اسكەري قىزمەتشىنىڭ ارتىندا ايەلى جانە كامەلەتكە تولماعان 2 بالاسى قالدى»، - دەدى باس پروكۋراتۋرا وكىلى.

اۆتور: ەسىمجان ناقتىباي