تابيعي مونوپوليالاردى رەتتەۋ كوميتەتى ءتوراعاسىنىڭ ورىنباسارى تاعايىندالدى

نۇر-سۇلتان. قازاقپارات - پرەزيدەنتتىك كادرلىق رەزەرۆىنىڭ وكىلى تيمۋر قوسىمبايەۆ ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ كوميتەتى ءتوراعاسىنىڭ ورىنباسارى قىزمەتىنە تاعايىندالدى، دەپ حابارلايدى قازاقپارات اتالعان ۆەدومستۆونىڭ باسپا ءسوز قىزمەتىنە سىلتەمە جاساپ.

قوسىمبايەۆ تيمۋر ەرنات ۇلى 1989 -جىلى دۇنيەگە كەلگەن. 2011 -جىلى قازاقستان مەنەدجمەنت، ەكونوميكا جانە بولجاۋ ينستيتۋتىن (ق م ە ب ي) «قارجى» ماماندىعى بويىنشا بىتىرگەن. 2016 -جىلى «بولاشاق» باعدارلاماسى بويىنشا لەستەر ( ۇلى بريتانيا) ۋنيۆەرسيتەتىندە ءبىلىم العان. بۋحالتەرلىك ەسەپ جانە قارجى ماگيسترى. 2011 - 2019 -جىلدار ارالىعىندا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىندە ءتۇرلى قىزمەتتەر اتقاردى. 2019 -جىلعى قازاننان باستاپ قازىرگى ۋاقىتقا دەيىن قازاقستان رەسپۋبليكاسى پرەزيدەنتىنىڭ ءىس باسقارماسى قارجى- ەكونوميكالىق ءبولىمنىڭ بيۋدجەتتىك قارجىلاندىرۋ سەكتورىنىڭ مەڭگەرۋشىسى بولىپ جۇمىس ىستەدى. 2019 -جىلى پرەزيدەنتتىك جاستار كادرلىق رەزەرۆىنە الىنعان.