اۋزى بەرىك ادامدارعا ماڭىزدى كەڭەس
1. ورازانىڭ ەڭ نەگىزگى ماقساتتارىنىڭ ءبىرى — اعزانى تازارتۋ. ولاي بولسا، ەت، قانت، ۇن ونىمدەرى سياقتى اعامىزدى لاستايتىن نارسەلەردى بارىنشا قىسقارتۋ نەمەسە، شاما كەلسە، مۇلدەم الىپ تاستاعان دۇرىس.
وسى ءبىر اي بويى ورازاڭىز ۆەگەتاريان جولىمەن وتسە ءتىپتى نۇر ۇستىنە نۇر بولار ەدى.
قاتتى ەت جەگىڭىز كەلسە، ارينە، بالىق پەن تاۋىق الدەقايدا دۇرىسىراق. قىزىل ەتتىڭ ەڭ جەڭىلى — جىلقى؛ قوي مەن سيىردىڭ مايلى ەتتەرى وتە اۋىر.
ەت دايىنداۋ ءتاسىلىنىڭ ەڭ دۇرىسى — فارش — كوتلەت، ليۋليا- كەباب، ادانا- كەباب، ت. س. س. — جەدەل قورىتىلىپ، اعزانى ۋلاماي، تەز شىعىپ كەتەدى.
ۇيلەسىمدىك جاعىنان، ارينە، ەتتى قامىرمەن يا كارتوپپەن ەمەس، كوكونىسپەن، ايران- شۇبات- قىمىزبەن جەگەن جاقسى.
2. جاتتىعۋ جاساڭىزدار! اۋىزاشاردان كەيىن ەڭ بولماسا اپتاسىنا 2-3 رەت فيتنەس- كلۋبقا بارىپ، قان جۇگىرتىپ، بوي شيراتىپ، ورتاشا قارقىندىلىقپەن 30-40 مينۋت جەڭىل تەمىر- تەرسەكپەن بۇلشىق ەتتەرىڭىزگە جۇمىس ىستەتىڭىزدەر — پايداسى زور بولادى! بۇنىڭ لوگيكاسى مىناداي: ۇزاق قيمىلداماسا، بۇلشىق ەتتەرىمىز ءتۇرلى قوقىسقا — ۋ، ميلليونداعان باكتەريانىڭ ۋىتى، ت. ب. — تولىپ قالادى. ول اقىرىنداپ قانعا، قان ارقىلى ميىمىزعا بارىپ، ءومىرىمىزدى ۋلايدى. ال تۇراقتى قوزعالىستا بولسا، بۇلشىق ەت ءوزى تازالانىپ وتىرادى.
ونىڭ ۇستىنە، دۇرىس ۇستالعان ورازادان كەيىن كەز كەلگەن ادام ءبىراز ارىقتاپ قالادى. سول كەزدە بۇلشىق ەتتەرىڭىز سالبىراپ كەتپەي، شىپ- شىمىر بوپ جيناقى تۇرۋ ءۇشىن دە تۇراقتى جاتتىعۋ جاساعانىڭىز ءجون.. .
قاسيەتتى رامازان ايى قۇتتى بولىپ، ورازالارىڭىز پەن دۇعا- نيەتتەرىڭىز قابىل بولعاي، ارداقتى اعايىن!
