الماتىدا قاتەرلى ىسىكتى تەگىن انىقتايتىن شارا وتەدى

None
None
الماتى. قازاقپارات - 4-8-ءساۋىر ارالىعىندا قازاقستاننىڭ وڭىرلىك ونكولوگيالىق ۇيىمدارىندا كولورەكتالدى قاتەرلى ىسىكتىڭ الدىن الۋ جانە ەرتە دياگنوستيكالاۋ بويىنشا اشىق ەسىك كۇنى وتەدى، دەپ حابارلايدى قازاقپارات ءتىلشىسى.

قازاق ونكولوگيا جانە راديولوگيا عىلىمي- زەرتتەۋ ينستيتۋتى باسپا ءسوز قىزمەتىنىڭ مالىمەتىنشە، دەنساۋلىق اپتالىعى شەڭبەرىندە 2022 -جىلعى 4-8-ءساۋىر ارالىعىندا قازاقستاننىڭ ونكولوگيالىق مەكەمەلەرىندە كولورەكتالدىق قاتەرلى ىسىك (توق ىشەك وبىرى) بويىنشا ونكولوگتاردى تەگىن قابىلداۋ جۇرگىزەدى. كونسۋلتاتسيالىق قابىلداۋ ۋاقىتى-14.00 دەن 17.00 گە دەيىنگى ارالىقتا جۇزەگە اسىرىلادى.

«م س ا ك ۇيىمدارىنىڭ ونكولوگتارى «جاسىل ءدالىز» بويىنشا جۇمىس ساعاتتارىندا تەكسەرۋ كابينەتىندە نەمەسە جالپى پراكتيكا دارىگەرىنىڭ قابىلداۋىندا انىقتالعان ونكوپاتولوگياعا كۇدىكتى پاتسيەنتتەردى قابىلداۋدى تۇراقتى نەگىزدە جۇزەگە اسىرادى. سونداي- اق، كەز- كەلگەن كۇنى ەمحانالاردا م ءا م س شەڭبەرىندە ءاربىر جاسى كەلگەن ادام كەلەسى تەگىن ونكوسكرينينگتەردەن وتە الادى:

1. كولورەكتالدى قاتەرلى ىسىك اۋرۋىنا (50-70 جاسىنداعى ەرلەر مەن ايەلدەر)؛

2. ءسۇت بەزى وبىرىنا سكرينينگ (40-70 جاسىنداعى ايەلدەر)

3. جاتىر موينى وبىرىنا سكرينينگ (30-70 جاسىنداعى ايەلدەر) .

سوڭعى جاڭالىقتار