ب ۇ ۇ: يەمەندەگى سوعىستى توقتاتۋدىڭ العاشقى قادامى جاسالدى

نۇر- سۇلتان. قازاقپارات - بۇگىن يەمەندە بىتىمگە كەلۋ تۋرالى ەكى ايلىق كەلىسىمگە قول قويىلدى، دەپ حابارلايدى قازاقپارات ب ۇ ۇ جاڭالىقتارىنا سىلتەمە جاساپ.

نيۋ- يوركتەگى جۋرناليستەر الدىندا ءسوز سويلەگەن ب ۇ ۇ باس حاتشىسى انتونيۋ گۋتەرريش يەمەندەگى ارنايى ەلشى حانس گرۋندبەرگكە العىس ايتىپ، يەمەن ۇكىمەتىنە، ساۋد ارابياسى مەن حۋسيتتەر باستاعان كواليتسياعا ريزاشىلىق ءبىلدىردى.

«بۇل ءبىتىم يەمەندەگى جويقىن سوعىستى توقتاتۋدىڭ العاشقى قادامى بولۋى كەرەك»، - دەپ مالىمدەدى باس حاتشى.

جەتى جىلدان استام ۋاقىت بويى يەمەن ساۋد ارابياسى باستاعان ۇكىمەتشىل كواليتسيا مەن حۋسيتتەردىڭ بۇلىكشى قۇرىلىمدارى اراسىنداعى قارۋلى قاقتىعىس الاڭى بولدى. تاراپتار يەمەن ىشىندەگى جانە ونىڭ شەكارالارىنا جاقىن جەردەگى بارلىق شابۋىلداۋ اۋە، جەر ءۇستى جانە تەڭىز وپەراتسيالارىن توقتاتۋعا كەلىستى. سونداي- اق، ولار وتىنى بار كەمەلەردى حودەيد پورتىنا توقتاتۋعا، ال كوممەرتسيالىق رەيستەردى سانا اۋەجايىنان ورىنداۋعا ۋاعدالاستى. ءبىتىم تاراپتاردىڭ كەلىسىمىمەن ەكى ايدان سوڭ تاعى ۇزارتىلۋى مۇمكىن.