رەسەيگە سالىنعان سانكتسيالار ءتىزىمى ارتتى
ا ق ش- تىڭ ساۋدا مينيسترلىگى دە رەسەيدىڭ قورعانىس، اەروعارىش جانە تەڭىز سەكتورىنا قاتىستى قوسىمشا شەكتەۋلەر ەنگىزۋگە نيەتتى ەكەنىن حابارلادى. قارا تىزىمگە تەحنولوگيالىق سەكتور دا كىرەدى. ا ق ش- تىڭ قارجى ءمينيسترى 13 تۇلعا مەن 21 ۇيىمعا جانە ميكروەلەكترونيكانى ءوندىرۋشى ءارى ەكسپورتتاۋشى الىپ «ميكرون» اكسيونەرلىك قوعامعا دا سانكتسيا ەڭگىزگەن. وسىلايشا قۇراما شتاتتاردىڭ شەكتەۋلەرىنە ىلىككەن رەسەيلىك كومپانيالاردىڭ سانى 200 دەن اسىپ وتىر.
ال گرۋزيا پرەزيدەنتى سالومە زۋرابيشۆيلي ماسكەۋگە قارسى سانكتسيالاردى قولداپ، ا ق ش پەن باتىس ەلدەرى ەنگىزگەن شەكتەۋ شارالارىنا قوسىلاتىنىن حابارلادى. ساياساتكەر گرۋزيا كيەۆتى قولداۋعا باعىتتالعان بارلىق حالىقارالىق قارارلارعا قاتىساتىنىن مالىمدەدى. ەستەرىڭىزگە سالايىق، بۇعان دەيىن بۇل ەلدىڭ پرەمەر- ءمينيسترى ۋكرايناداعى قارۋلى قاقتىعىسقا بايلانىستى رەسەيگە قارسى ەكونوميكالىق سانكتسيالار ەنگىزبەيتىنىن جارياعان ەدى. ويتكەنى بۇل مەملەكەتتىڭ ۇلتتىق مۇددەسىنە قايشى كەلەتىنىن ايتقان بولاتىن.
www.24.kz
