قازاقستان اسكەرلەرىنىڭ كيىم فورماسى وزگەرەدى

None
None
نۇر-سۇلتان. قازاقپارات – ق ر قورعانىس مينيسترلىگى اسكەري كيىم كيۋ ەرەجەسىنە وزگەرتۋلەر ازىرلەدى.

ۆەدومستۆو باسشىسىنىڭ بۇيرىق جوباسى تالقىلاۋعا شىعارىلعان، دەپ حابارلايدى قازاقپارات ءتىلشىسى.

«بۇيرىق جوباسىن قابىلداۋ قۇقىقتىق نورمالارعا سايكەس كەلتىرۋگە، قازاقستان رەسپۋبليكاسى قارۋلى كۇشتەرىنىڭ، باسقا دا اسكەرلەرى مەن اسكەري قۇرالىمدارىنىڭ اسكەري كيىم نىسانى مەن ايىرىم بەلگىلەرىن، سونداي-اق باسقا دا بەلگىلەرىن كيۋ ەرەجەلەرىنىڭ كەيبىر قاعيدالارىن ناقتىلاۋعا مۇمكىندىك بەرەدى»، - دەلىنگەن قورعانىس مينيسترلىگىنىڭ حابارلاماسىندا.

ۆەدموستۆونىڭ اتاپ وتۋىنشە، جوبانى ىسكە اسىرۋ تەرىس الەۋمەتتىك- ەكونوميكالىق، ساياسي- قۇقىقتىق، ەكولوگيالىق جانە وزگە دە سالدارعا اكەپ سوقتىرمايدى، قوسىمشا قارجى قاراجاتى تالاپ ەتىلمەيدى. بۇيرىقتىڭ تولىق ماتىنىمەن اشىق نورماتيۆتىك- قۇقىقتىق اكتىلەر پورتالىندا تانىسۋعا بولادى.

قۇجات 2022 -جىلدىڭ 7-ساۋىرىنە دەيىن جاريا تالقىلاۋعا شىعارىلعان.

سوڭعى جاڭالىقتار