مەملەكەت باسشىسى رەسەي پرەزيدەنتىمەن تەلەفون ارقىلى سويلەستى

نۇر-سۇلتان. قازاقپارات - مەملەكەت باسشىسى قاسىم- جومارت توقايەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى، دەپ حابارلايدى اقوردا.

پرەزيدەنتتەر ەكى مەملەكەت اراسىنداعى ساۋدا- ەكونوميكالىق ىنتىماقتاستىقتىڭ قازىرگى جاعدايى مەن دامۋ پەرسپەكتيۆالارىن ەگجەي-تەگجەيلى تالقىلادى. ەكىجاقتى ساۋدا-ساتتىقتىڭ قارقىنىن ساقتاۋ ءۇشىن ەكى ەل ۇكىمەتتەرى اراسىندا ەڭ ماڭىزدى تاۋار تۇرلەرى بويىنشا ىقپالداستىقتى جانداندىرۋ تۋرالى ۋاعدالاستىققا قول جەتكىزىلدى.

ۆلاديمير پۋتين قاسىم-جومارت توقايەۆقا رەسەي مەن ۋكراينا اراسىنداعى كەلىسسوزدەردىڭ بارىسى تۋرالى مالىمەت بەردى. ۋكراينانىڭ بەيتاراپتىق، بلوكتاردان تىس، يادرولىق قارۋسىزدىق مارتەبەسىنە قاتىستى ۋاعدالاستىققا قول جەتكىزۋدىڭ اسا ماڭىزدىلىعى جونىندەگى ورتاق تۇسىنىستىك تۋرالى ايتىلدى.